Ave Caicoli, Dili, Timor-Leste

info@pdhj.tl

  • tp
  • en

Selebra Exelénsia: Artigu Vensedór Daruak husi Constantino kona-ba Korupsaun

Dili, 30 janeiru 2025-Provedoria dos Direitos Humanos e Justiça (PDHJ), parseria ho programa USAID/Timor-Leste nia Mekanizmu Responsabilidade no Integridade (AIM), haksolok atu fahe obra inspiradora husi Constantino de Jesus, manan-nain daru’ak Kompetisaun Hakerek Essay kona-ba Boa Governasaun no Anti-Korrupsaun.

Moris iha Lospalos iha loron 18 fulan marsu tinan 1999, Constantino gradua husi Fakuldade Direitu iha UNTL no sai lian ativu iha movimentu estudante no advokasia legal. Nia membru LETRAS (Leitura ba Transformasaun Sosiál) no OAN (Organizasaun Asaun Nasionál ba Libertasaun Maubere). Oras ne’e daudaun, nia servisu hamutuk ho Forsa Maubere Advocacy (FM), fó asisténsia jurídika ba sidadaun sira no servisu nu’udar fasilitadór ba materia kona-ba Direitu Krítiku.

Iha ninia artigu, “Polémika Kombate Korrupsaun iha Timor-Leste,” Constantino ezamina ho krítiku dezafiu sira ne’ebé Komisaun Anti-Korrupsaun (CAC) hasoru, partikularmente ninia independénsia no efikásia hodi kombate korrupsaun. Nia destaka konflitu polítiku sira ne’ebé hale’u selesaun lideransa CAC nian, hodi argumenta katak falta konsensu nasionál hafraku kredibilidade instituisaun nian.

Artigu ne’e mós esplora asuntu luan liu hanesan konxiénsia públika, aplikasaun legál, no partisipasaun sidadaun nian iha esforsu anti-korrupsaun. Constantino husu protesaun legál sira ne’ebé maka’as liu, envolvimentu síviku ne’ebé maka’as liu, no transparénsia institusionál ne’ebé maka boot liu atu asegura katak CAC nafatin independente no efetivu iha nia misaun.

Rekoñesimentu ida ne’e reflete importánsia husi envolvimentu juventude hodi promove governasaun di’ak no responsabilizasaun iha Timor-Leste.

🔗

This post is also available in: English

Notisia seluk

Provedoria Propoin Pontu Fokál Lokál Hodi Mellora Atendementu Keixa Iha Covalima

Covalima, 24 juñu 2025 — Provedór Direitus Umanus no Justisa, Virgílio da Silva Guterres “Lamukan”, akompaña husi Diretór Delegasaun Territoriál Maliana PDHJ nian, Domingos...

PDHJ Husu Aliñamentu Lejizlativu Hodi Proteje Direitu LGBTQI+ No Defisiénsia iha Timor-Leste

Ermera, 18 juñu 2025 — Provedór Direitus Umanus no Justisa, Virgílio da Silva Guterres “Lamukan”, subliña katak promosaun diversidade no inkluzaun—partikularmente iha relasaun ho...

PDHJ Realiza Workshop Validasaun Loron Rua kona-ba Revizaun Tinan Lima ba Planu Asaun Nasionál ba Ema ho Defisiénsia

Dili, 16-17 Juñu 2025 —Provedoria Direitus Umanus no Justisa (PDHJ), liuhosi nia Unidade Asisténsia Jurídika, Administrativa no Peskiza (UAJAP), hala’o ho susesu workshop validasaun...

Provedoria no Prezidente Autoridade Ermera Halo Abertura ba Treinamentu kona-ba Boa Governasaun no Anti Korrupsaun

Ermera, 11 juñu 2025 – Provedór Direitus Umanus no Justisa, Virgílio da Silva Guterres “Lamukan”, no Prezidente Autoridade Munisípiu Ermera, José Martinho dos Santos...
Skip to content