Ave Caicoli, Dili, Timor-Leste

info@pdhj.tl

  • tp
  • en

Rede Feto ho ADRA Aprezenta Esbosu Regulamentu Tara Bandu ba Prevensaun no Kombate Violénsia Doméstika

Notísia di’ak ida iha luta hasoru violénsia doméstika! Provedór Direitus Umanus no Justisa, Virgílio da Silva Guterres ‘Lamukan’ no Provedóra-Adjunta ba Direitus Umanus, Maria Marilia da Costa hasoru malu ho Rede Feto Timor-Leste (RFTL) no parseiru the Adventist Development and Relief Agency Timor-Leste (ADRA TL) iha edifīsiu PDHJ Caicoli, Dili, Timor-Leste iha loron 6 fulan juñu.

Rede Feto ho ADRA aprezenta esbosu Regulamentu kona-ba Tara Bandu iha ámbitu prevensaun no kombate violénsia doméstika iha suku tolu iha postu-administrativu Maliana Villa. Iha sorumutu ne’e ekipa ne’e husu PDHJ atu hato’o prespetiva direitus umanus ni’an ba regulamentu ne’e.

Provedór Guterres apresia esforsu sira ne’ebé ekipa ne’e halo ona no afirma apoiu atu halakon violénsia doméstika no hametin direitus umanus. PDHJ sei haree ho kle’an ba esbosu lei ne’e no aprezenta hanoin sira iha tempu badak.

Regulamentu Tara Bandu propoin uza aproximasaun tradisionais hodi rezolve kazu violénsia doméstika maibé fó nafatin espasu ba prosesu formál sira ne’ebé refelete iha Lei Violénsia Doméstika númeru 7/2010.

Hamutuk, ita la’o ba sosiedade ida ne’ebé seguru liu.

This post is also available in: English

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...