Ave Caicoli, Dili, Timor-Leste

info@pdhj.tl

  • tp

PDHJ no New Zealand Timor-Leste Community Policing Program asina MoU

Dili – iha loron 14 Maiu 2015, Provedoria dos Direitos Humanos e Justiça (PDHJ) asina MoU ho Programa Polisiamentu Komunitária Nova Zelándia Timor Leste (NZ-TLPPK) iha Salaun Biblioteka PDHJ Caicoli-Dili.

Objetivu husi akordu servisu hamutuk ne’e atu uza materia treinamentu Direitos Humanos PDHJ nian hodi fo kapasitasaun ba Official Polisia Suco (OPS) nian iha Timor laran tomak kona-ba direitos humanos. Treinador sira ne’ebé sei fasilita treinamentu sei mai husi NZTLP/PNTL no mos husi PDHJ. Durasaun akordu (MoU) ne’e to’o iha loron 31 Desembru 2015 maibe iha posibilidade akordu koperasaun bele kontinua iha futuru tuir nesesidade ne’ebé iha.

Dr. Silverio Pinto, Provedor hateten objetivu husi asina akordu koperasaun refere atu hasa’e kapasidade Official Polisia Suco nian hodi bele hala’o kna’ar ho di’ak no professional, bainhira hala’o kna’ar iha komunidade sira nia le’et.

Dr. Silverio hatutan iha akordu koperasaun refere Timor-Leste Community Policing Program (TLCPP) sei kapasita uluk treinador ema nain 13 nune’e treinador sira ne’e sei halo fali treinamentu ba polisia suco husi Muncipio 10. Maske nune’e teknikamente sei responsabiliza husi NZTLCPP.

Dr. Silverio dehan tan materia livrete no manual direitos humanos ne’ebé iha no produs husi PDHJ suporta husi UNDP no New Zealand Foreign Affairs and Trade Aide Programme, NZTLCPP sei produs tan material sira ne’e tuir nesesidade ne’ebé iha.

Akordu entendimentu ne’e, asina husi Dr. Silverio Pinto Baptista, Provdor no Sr. Ian McLachlan, Team Leader  NZ-TLPPK no akompaña husi Adjunto Komandante Geral PNTL Sr. Faustino da Costa no Adjunto PDHJ ba area Direitus Humanus, Dr. Horacio de Almeida no partisipantes sira.

 

 

 

 

 

 

Notisia seluk

Estadus Unidus no Timor-Leste Halo Parseiria hodi Lansa Inisiativa Xave Anti-Korrupsaun

Komunikadu Imprensa                                            ...

Provedór Guterres Partisipa iha Fórum ASEAN Dahuluk Nian Kona-ba Liberdade ba Reuniaun Pasífika

Provedór Virgílio da Silva Guterres ‘Lamukan’ partisipa iha Fórum ASEAN kona-ba Liberdade Reuniaun Pasífika, ne’ebé hala’o iha loron 15-16 fulan-jullu tinan 2024, iha Banten,...

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...