Ave Caicoli, Dili, Timor-Leste

info@pdhj.tl

  • tp

PDHJ Halo Monitorizasaun Implementasaun Projetu PNDS

Maliana : Diretur Provedoria dos Direitos Humanos e Justiça (PDHJ), Delegasaun Teritorial Maliana, Sr. Domingos Pinto Tavares, sai orador ba atividade enkontru nasional PNDS ho topiku “Prosesu Fiskalizasaun no Monitorizasaun” iha salaun Familia Restu, Postu Administrativa Suai Vila, Munisipiu Covalima, 23 Setembru 2021.

Diretur iha nia aprezentasaun aprezenta kona-ba rezultadu husi servisu PDHJ nian iha area fiskalizasaun no monitorizasaun ba implementasaun projetu sira PNDS nian iha Timor laran tomak no espesial iha area jurisdisaun DT Maliana.

Atividades ne’ebé Provedoria halo fiskalizasaun ba projetu sira PNDS nian hanesan instalasaun bee mos, estrada, ponte, uma kbit laek no Sede Suku sira.

Diretur hatutan, problema sira ne’ebé ita identifika maka hanesan la iha koordenasaun diak entre ekipa tekniku PNDS, kompania fornesedor material konstrusaun no traballador sira ne’ebé hala’o servisu ba projetu sira PNDS nian hanesan la iha kuadru avizu projetu nian.

“Tanba kuadru avizu projetu nian importante tebes ho objetivu atu fasilita públiku bele hatene kona-ba total orsamentu, duransaun projetu, no projetu halo iha fatin ne’ebé”, dehan Diretor ba partisipantes sira.

Ekipa tekniku PNDS ladun seriu hodi halo kontrolu durante implementasaun projetu. Ekipa tekniku PNDS ladun fo informasaun lolos ba traballador sira kona-ba regras no medida sira kona-ba material konstrusaun projetu nian.

Nune’e mos iha suku balu,  Ekipa Jestaun Suku ladun fornese informasaun lolos ba benefisiariu no iha indisius balun ne’ebé nota katak Ekipa Jestaun Suku balun halo kobransa ba benefisiariu sira iha suku balun kada benefisiariu $10.00 (dolar sanulu amerikanu).

Maske iha problemas balun ne’ebé ekipa Fiskalizasaun Provedoria nota, maibé Diretur fó mos apresiasaun ba projetu sira PNDS nian, ne’ebé konsidera kualidade diak no dignu tebes wainhira populasaun benefisiariu sira utiliza ba tempu ne’ebé naruk hanesan ponte, Uma Kbit Laek, no edifisiu Ofisial Polisia Suku Batugade ne’ebé konsidera kualidade diak.

Iha oportunidade ne’e mos, Diretur husu ba kargu Diresaun Xefia sira hotu PNDS nian husi Munisipiu sanulu resin rua la inklui RAEOA, atu nafatin servisu professional no ejiji responsabilidade, transparensia, no integridade hodi servi iha nia sidadaun kbit laek sira.

Diretur fó hanoin katak, keta hanoin PDHJ, KAK, PNTL, Ministeriu Publiku, dok husi imi hotu (kargu diresaun no xefia) inklui funsiunariu PNDS nian, ho nunee halo konforme imi nia hakarak. Mais imi tenki hatene katak PDHJ, KAK, PNTL, Ministeriu Publiku nudar instituisaun sira ne’ebé servisu ba lia los nian, sempre iha imi nia sorin-sorin, kotuk no oin. Instituisaun hirak ne’e maka imi nia kolega servisu, imi nia superior hirarkia, imi nia ofisial ou staf sira.

Notisia seluk

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...

Provedoria Direitus Umanus no Justisa Aprezenta Relatóriu Anuál 2023 ba Parlamentu Nasionál

Dili, 25 juñu 2024 - Provedoria Direitus Umanus no Justisa (PDHJ) liu husi sesaun Plenária Ordinária iha loron 25 juñu aprezenta relatóriu anuál tinan 2023...

Provedór Direitus Umanus no Justisa Partisipa Konferénsia Anti-Korupsaun (IACC) XXI

Vilnius, Lituánia - Provedór Direitus Umanus no Justisa, Virgílio da Silva Guterres ‘Lamukan’ partisipa Konferénsia Internasionál Anti-Korupsaun (IACC-sigla ingléz), ne'ebé hala'o iha Vilnius, kapitál Lituânia,...