Ave Caicoli, Dili, Timor-Leste

info@pdhj.tl

  • tp

PDHJ-AJAR No RTTL Asina MOU Ba Telenovela Laloran Justisa

Dili : loron 9 Agostu 2017, Provedoria Dos Direitos Humanos e Justiça (PDHJ), Provedor Dr. Silverio Pinto Baptista, prezidente RTTL,Ep Sra. Milena Abrantes no diretor organizasaun naun governamental Asia Justice And Right (AJAR) José Luis Oliveira, asina Memorandum Of Understanding ba publikasaun telenovela laloran justisa ne’ebé sei fó sai iha loron 29 fulan ne’e iha kanal RTTL. Iha prosesu asinatura ne’e hetan mós partisipasaun hosi embaixador delegasaun Uniaun Europeia mai Timor leste ne’ebé mak sai hanesan sasin ba iha MOU ne’e.
Tuir Provedor Silverio Pinto Baptista katak, telenovela ne’e importante tebes ba timoroan sira tanba, konteudu hosi telenovela ne’e rasik foka liu ba iha realidade moris sosiedade timor nian tanba, durante ne’e timoroan sira nonton de’it mak telenovela hosi ema estranzeiru nian maibé ho publikasaun telenovela laloran justisa ne’e espera timoroan sira bele akompaña.

Maske nune’e, telenovela ne’e rasik sei fó sai dahuluk iha loron 29 fulan ne’e iha kanal TVTL no sei hahu fó sai kada semana loron rua iha Tersa no kinta hahu hosi tuku 18:30 to’o 19:00.

Iha fatin hanesan diretor AJAR, José Luis Oliveira mós afirma katak, filme ne’e dezenvolve hosi realidade moris sosiedade timorense nian ho istoria kona-ba drama familia nian tensaun ka problema iha uma laran, futebol, Múzika, istoria domin no kombinasaun asuntu importante seluk ne’ebé ho direitu umanus no demokrasia.

No mós Prezidente RTTL, Milena Abrantes rasik afirma katak, telenovela ne’e hanesan primeiru filme Timor leste nian no sira sei fó sai tuir akordu ne’eb’e iha.`

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...