Ave Caicoli, Dili, Timor-Leste

info@pdhj.tl

  • tp

Adjuntos Provedor Simu Tomada de Posse Iha PN

 IMG_1309

Dili – Provedoria dos Direitos Humanos e Justiça (PDHJ) hanesan Instituisaun Nasional Independente ne’ebe iha kna’ar importante atu proteje no promove direitus humanus no promove boa governasaun. Tanba ne’e, iha loron 14 de Janeirode de 2015, Prezidente Parlamento Nasional Sr. Vicente Guterres   fo tomada de posse ba Provedor  Adjuntos nain 2 mak hanesan Sra. Jesuina Maria Ferreira Gomes asumi kargu hanesan Provedora Adjunta ba area boa governasaun no  Sr. Horacio de Almeida asumi  kargu hanesan Provedor Adjunto ba area direitus humanus.

Depois tomada de posse, Provedor Dr. Silverio Pinto Baptista hateten katak, seremonia tomada depose hanesan passu importante ida atu kompleta pakote ne’ebé iha instituisaun PDHJ.

Provedor informa ba Prezidente Parlamento no membrus Deputados sira ne’ebé mak partisipa iha seremonia ne’e katak, instituisaun Provedoria atu refleta ba prinsipius no valores ne’ebé mak adopta iha instituisaun mak iha area boa governasaun, entaun prinsipiu primeiru mak prinsipiu de transparancia.

Ho nune’e,  maske iha lei hateten ona katak Provedor iha kompetencia atu nomea ema ne’ebé atu sai nia Adjunto maibe Provedor la aplika kompetencia ne’e ho sen por sentu  maibe liu husi prosesu aplikasaun  ida atu aplika duni prosesu valores de transparancia ne’e ka lae.

Provedor hatutan katak, iha tinan kotuk liu ba Provedor de Direitus Humaus e Justiça Timor-Leste hetan re-akreditasaun husi Conselhu de Direitus Humanus tanba iha periodu rua liu ba instituisaun Provedoria hetan estatutu‘A’ entaun iha rekomendasaun balun ne’ebé mai husi Conselhu de Direitus Humanus husu atu  liderasan Provedor  foun  tenke fo atensaun ba assuntu transparancia no valor ida ho kualidade de jéneru.

Provedor mos informa liu tan ba Prezidente no membrus Deputados sira katak, iha fulan Dezembru tinan kotuk iha ninia lideransa foun, realiza retiru annual ida atu analiza ba pontus frakezas iha instituisaun ne’e. Liu husi programa ne’e konsege identifika pontus frakezas barak, ne’e duni persiza apoiu husi Parlamento Nasional tanba PDHJ ho  limitasaun orsamentu geral do estadu. Nune’e mos agradese ba membrus Deputadus sira tanba wainhira iha audensia ho Comisaun A Parlamento, entaun hetan  adisional ba orsamentu jeral do estadu ba tinan ida ne’e.

Maske ho orsamentu ba tinan ne’e ho montante ne’ebé ki’ik, maibe espera katak iha tinan 2016 Parlamento bele aumenta tan orsamentu ba instituisaun PDHJ, tanba iha mekanismu balun iha instituisaun laran iha mudansa de servisu liu-liu iha servisu monitorizasaun nian.

Iha fatin hanesan, Provedora Adjunta foun  ba area Boa Governasaun Sra. Jesuina Maria Ferreira Gomes hateten katak, ho esperensia ne’ebé nia iha bele kontribui diak liu tan ba servisu Provedoria nian. Tanba ita hatene katak servisu iha area boa governasaun ne’e laos area servisu ne’ebé ki’ik maibe ne’e servsiu ne’ebé bo’ot.

Iha oportunidade ne’e mos, Provedor Adjunto foun ba area Direitus Humanus, Sr. Horacio de Almeida hateten katak, ohin loron iha era globalizasaun buat hotu-hotu lao tuir dezementu ita nia umanu rasik, entaun ho ida ne’e persiza ita hotu nia komitmentu liu-liu oinsa atu hare direitus humanus ne’e atu halo protesaun no mos halo promosaun ba area direitus humanus.

 

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...