Ave Caicoli, Dili, Timor-Leste

info@pdhj.tl

  • tp

𝐌𝐞𝐧𝐬𝐚́𝐣𝐞𝐧 𝐏𝐫𝐨𝐯𝐞𝐝𝐨́𝐫 𝐃𝐢𝐫𝐞𝐢𝐭𝐮𝐬 𝐔𝐦𝐚𝐧𝐮𝐬 𝐧𝐨 𝐉𝐮𝐬𝐭𝐢𝐬𝐚, 𝐕𝐢𝐫𝐠𝐢́𝐥𝐢𝐨 𝐝𝐚 𝐒𝐢𝐥𝐯𝐚 𝐆𝐮𝐭𝐞𝐫𝐫𝐞𝐬 ‘𝐋𝐚𝐦𝐮𝐤𝐚𝐧” 𝐛𝐚 𝐊𝐨𝐦𝐞𝐦𝐨𝐫𝐚𝐬𝐚𝐮𝐧 𝐋𝐨𝐫𝐨𝐧 Mundiál 𝐋𝐢𝐛𝐞𝐫𝐝𝐚𝐝𝐞 𝐈𝐦𝐩𝐫𝐞𝐧𝐬𝐚 𝐧𝐢𝐚𝐧

Belun sira Provedoria Direitus Umanos no Justisa ni’an,
Mai ita selebra Loron Internasionál Liberdade Imprensa!
Selebra kampiaun ba justisa no defensór lia-loos sira!

Iha komemorasaun Loron Mundiál Liberdade Imprensa iha 3 Maiu tinan ida ne’e, mai ita hanoin didi’ak kona-ba impaktu boot ne’ebé média ida-ne’ebé livre no independente iha ba ita-nia mundu, liu-liu iha Timor-Leste.

Liberdade imprensa la’ós de’it kona-ba hato’o notísia; maibé mós kona-ba luta ba direitus umanus, fó naroman ba justisa, no hametin prinsípiu transparensia no akuntabilidade. Jornalista sira mak eroi ne’ebé la ta’uk hodi halo navigasaun ba liña lia-loos ni’an, hodi asegura katak ema rona lian hotu no konta istória hotu.

Maibé la para iha ne’ebá! Independénsia no kualidade média sira-nian hala’o papél krusiál ida hodi forma governasaun di’ak no asegura katak ema ida-idak nia direitu sira hetan respeitu. Paizajen média ida-ne’ebé vibrante halo ita-nia líder sira laran-moos no fó kbiit mai ita atu ezije transparénsia no justisa iha ita-nia sosiedade sira.

Ho nune’e mai ita hotu kongratula ba jornalista, no organizasaun komunikasaun sosiál sira iha mundu tomak no espesialmente iha Timor-Leste ne’ebé servisu ho laran-metin hodi defende demokrasia, direitus umanus, no sai lian ba ema lian la’ek sira.

Triste uituan haree katak Timor-Leste nia ‘ranking’ globál liberdade imprensa monu hosi 10 ba 20, maibé ita ténki nafatin luta hodi hadi’a ita-nia demokrasia.

Apela ba entidade públiku ho nia responsável sira atu respeita jornalista sira nia servisu, la halo intervensaun polítika ne’ebé ameasa independénsia editoriál.

Husu órgaun judisiál Timor-Leste nia atu utiliza Lei Komunikasaun Sosiál nu’udar referénsia atu rezolve problema legál ne’ebé involve obra jornalístika.

Hamutuk, ita bele asegura katak liberdade imprensa kontinua sai nu’udar esperansa ba futuru ida-ne’ebé di’ak liu.

Ksolok Loron Mundiál Liberdade Imprensa!
Ho solidariedade no agradese,
Virgílio da Silva Guterres ‘Lamukan’
Provedor de Direitos Humanus e Justiça.
@followers@topfans

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...