Ave Caicoli, Dili, Timor-Leste

info@pdhj.tl

  • tp
  • en

Selebra Exelénsia: Artigu Vensedór husi Judelio kona-ba Governasaun Di’ak no Anti-Korrupsaun

Dili, 28 Janeiru 2024 – Provedoria dos Direitos Humanos e Justiça (PDHJ), parseria ho programa USAID/Timor-Leste nia Mekanizmu Responsabilidade no Integridade (AIM), ho laran-haksolok atu fahe obra inspiradóra husi Judelio da Silva Barros Barreto, manan na’in dahuluk ba Kompetisaun hakerek essay kona-ba Boa Governasaun no Anti-Korrupsaun.

Judelio, ho tinan 23, nu’udar estudante dedikadu Enjeñaria Informátika iha Fakuldade Enjeñaria Universidade Nasionál Timor Lorosa’e (UNTL). Aleinde estudu akadémiku, nia iha paixaun maka’as kona-ba sustentabilidade ambientál, envolvimentu síviku, no empoderamentu ba foin-sa’e sira. Ninia envolvimentu ativu ho Juventude Timoroan ba Mudansa (TY4C) no Movimentu Laudato Si Timor-Leste reflete ninia kompromisu atu promove asaun klimátika no mudansa sosiál liuhosi meiu kriativu no voluntariu.

Iha ninia essay, Judelio esplora intersesaun krítika governasaun di’ak no luta hasoru korrupsaun iha Timor-Leste. Nia destaka importánsia hosi responsabilizasaun, transparénsia, no envolvimentu juventude nian iha kriasaun sistema governasaun sustentável sira. Liuhusi argumentu sira ne’ebé forte, nia essay subliña oinsá lideransa étika no envolvimentu síviku esensiál atu kombate korrupsaun no haburas futuru ida ne’ebé nabilan liu.

Judelio nia advokasia luan liu inklui mós promove seguransa dijitál, protesaun ambientál, no inisiativa sira ne’ebé orienta hosi foin-sa’e sira ne’ebé defende direitus umanus no governasaun di’ak. Nu’udar membru ofisiál ida hosi RYLA 2024 nian, nia iha kompromisu atu haburas mudansa pozitivu no avansa kooperasaun rejionál no internasionál.

Parabéns ba Judelio ba atinjimentu ida ne’e no kontribuisaun sira ne’ebé kontinua ba Timor-Leste nia dezenvolvimentu!

This post is also available in: English

Notisia seluk

Provedór Partisipa Enkontru Estabelesementu Grupu Traballu Prosesu Rekonsiliasaun Timoroan

Dili, 12 Fevereiru 2025 – Provedór Direitus Umanus no Justisa, Virgílio da Silva Guterres ‘Lamukan,’ partisipa iha enkontru kona-ba estabelesimentu Grupu Traballu Prosesu Rekonsiliasaun...

🚨 Provedór Simu Ekipa Téknika Hodi Hametin Direitus Umanus iha Planu Nasional Atendementu Reklamasaun! 🚨

Iha loron 7 fulan-fevereiru tinan 2025, Provedór Direitus Umanus no Justisa, Virgílio da Silva Guterres ‘Lamukan’, simu Dra. Ana Isabel Soares, ne’ebé reprezenta ekipa...

PDHJ Hamutuk Konsulta UNDP & WFP kona-ba Programa Futuru ba Timor-Leste

Dili, 7 fevereiru 2025 - Provedór Direitus Umanus no Justisa (PDHJ), ne’ebé reprezenta husi Xefe Gabinete, Aureo José António Sávio sente onradu hodi partisipa...

Provedór Virgílio Husu Kolaborasaun Forte Liu Hodi Proteje Labarik Vulnerável Sira

Díli, 6 Fevereiru 2025 –Provedór Direitus Umanus no Justisa, Virgílio da Silva Guterres ‘Lamukan,’ partisipa iha workshop ho títulu “Livre atu Sai Ita-nia An...
Skip to content