Ave Caicoli, Dili, Timor-Leste

info@pdhj.tl

  • tp

SEA Introdus Ajensia Foun ba Lisensiamentu Ambientál







DILI : Sekretáriu  Estadu Ambiente (SEA), Sesta-feira, 13/09/2019 hahú introdus ejensia foun ba lisensiamentu ambientál ho naran Ajensia Nasionál ba Lisensiamentu Ambientál (ANLA), ho objetivu atu hasa’e velosidade servisu ba emisaun de liesensiamentu abientál, aumesmu tempu bele milora di’ak liutan rangkin bisnis Timor-Leste nian ne’ebé tun liu ba184.
“Wainhira ita hasa’e ita-nia rangkin bisnis, ita bele atrai investimentu estranjeiru hodi mai investe sira-nia kapitál iha ita-nia rain”, dehan Sekretáriu  Estadu Ambiente, Deométrio do Amaral de Carvalho, iha seremonia lansamentu ANLA iha Luz Clarita Hotel.
Liutan nia informa katak, objetivu husi workshop ne’e atu introdus ajensia ANLA ninia knár tanba ANLA iha ninia servisu ida mais importante iha area ambientál ninian, ne’ebé mak iha tinan barak nia laran, servisu ambientál ne’e hala’o husi Departementu Avaliasaun Impaktu Ambientál. Entaun tinan ida ne’e SEA hakarak hasa’e velosidade servisu ba emisaun de lisensa ninian, nune’e mós hasa’e ko’alidade servisu hodi bele milora di’ak liutan prosesu lisensiamentu abientál iha Timor-Leste.
Miloramentu ambientál signifika katak, hahú husi funsionamentu servisu ambientál, ne’ebé admiti tiha ona lisensamentu ambientál hamutuk 200 resin. Ne’e hatudu katak servisu ida ekselente husi kuadrus superior sira ne’ebé tutela iha área ambiente ninian, ne’ebé tenta fornese kondisoens di’ak liu, to’o ikus estabelese ajensia ANLA hodi fó resposta no harii kondisoens ne’ebé adekuada liu tan, atu funsionariu sira bele servisu ho dignu, katak Sekretariu Estadu ne’e.
Iha fatin hanesan Sekretáriu Ezekutivu Interinu ANLA, Antonio Lelo Taci informa katak, ida ne’e nu’udar workshop dahuluk wainhira estabelese ajensia ANLA, ne’ebé ho idade foin fulan ida, maibé ninia funsionamentu servisu hahú kleur ona. Tanba uluk ajensia ida ne’e ninia servisu hala’o husi Departementu Avaliasaun Impaktu Ambientál, iha Diresaun Nasionál ida-nia okos idepois iha mós Diretor Jerál nia okos. Entaun ho estabelesementu ANLA tuir artigu 6 alínea 1 to’o 3 husi Dekretu Lei Númeru 15/2019, ne’ebé administrativamente tutela indireta ba Sekretáriu Estadu Ambiente, hodi fó kompotensia ba ANLA hala’o ninia knár ba emite lisensa, dehan Lelo Taci.
Provedoria Direitus Humanus no Justisa (PDHJ) reprezenta husi Xefe Unidade Asistensia Jurídika Administrtiva no Peskiza, Sr. Moises Nazario Pereira partisipa mós iha lansamentu ANLA, hamutuk ho komvidadus sira seluk hanesan Prezidente Aportil Sr. Costantino Ferreira Soares, Prezidente Autoridade Munisiu Dili Sr. Gaspar Soares, Komandante Munisipiu Dili no Sekretáriu Jerál Parlamentu Nasionál, enkluindu reprezentante emprezas balu iha Dili.   

Notisia seluk

Estadus Unidus no Timor-Leste Halo Parseiria hodi Lansa Inisiativa Xave Anti-Korrupsaun

Komunikadu Imprensa                                            ...

Provedór Guterres Partisipa iha Fórum ASEAN Dahuluk Nian Kona-ba Liberdade ba Reuniaun Pasífika

Provedór Virgílio da Silva Guterres ‘Lamukan’ partisipa iha Fórum ASEAN kona-ba Liberdade Reuniaun Pasífika, ne’ebé hala’o iha loron 15-16 fulan-jullu tinan 2024, iha Banten,...

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...