Ave Caicoli, Dili, Timor-Leste

info@pdhj.tl

  • tp

rejultado monitorin iha parte leste, pdhj sei hasoru malu ho ministru no sekretariu estadu

Data, 18-09-2007

Bazeia ba Artigu 27 Lei-Inan Timor-Leste nian, ne’ebé prevee ona kona-ba ezisténsia Provedór Direitos Humanos no Justiça nu’udar órgaun indepedente ida ne’ebé iha knaar hodi promove no protéje Direitos Humanos iha Nasaun Timor-leste.

Nune’e mós tuir Lei Provedor Direitus Humanus e Justiça No. 7/2004 artigu 3 pontu 1 hateten katak “Provedor Direitus Humanus e Justiça iha dever atu hala’o ninia funsaun sira iha ámbitu atividade sira entidade públiku nian, partikularmente Governu nian, PNTL, Servisu Prizaun no F-FDTL”.

Bazeia ba mandatu Provedoria dos Direitos Humanos e Justiça (PDHJ) nian ne’ebé iha maka PDHJ hahu iha loron 3 to’o 11 Setembro 2007 liu ba hala’o ona monitorizasaun iha distritu Baucau, Viqueque no Lautem.

“Bazeia ba rejultado monitorizasaun husi ekipa monitorizasaun PDHJ no Asosiasaun HAK ba konflitu ne’ebé akontese iha Baucau, Lautem no Viqueque liu-liu iha sub Distritu Uatulari no Uatucarbau identifika problema mak hanesan kondisaun prizaun, sella polisia, nesesidade ba membros seguransa UIR no F-FDTL sira nian, tratamentu saude, edukasaun no uma mahon (shalter) hateten Dr. Silverio Pinto baptista adjunto Provedór.

 Bazeia ba kestaun ne’ebé refere ekipa monitorizasaun husi PDHJ no Assosiasaun HAK ne’ebé Xefia husi Dr. Silverio Pinto Baptista adjunto Provedór, iha Quarta 19 Setembro 2007 sei hasoru malu ho Sekretariu Estadu Defeja no Seguransa Julio Tomas Pinto, Ministru Saúde Dr. Nelson Martins, Ministru Edukasaun João Cansio, Ministra Justiça Lusia Lobato  Sekretariu Estadu Siguransa Fransisco Guterres no Ministra Solidaridade Sosial Domingas Fernandes.

 

Tuir Artigu 5 pontu 2 Lei Númiru 7/2004 kona-ba Estatutu Provedór de Direitos Humanos e Justiça (PDHJ) katak rejultadu  monitorizaun ne’ebé iha PDHJ sei hato’o rekomendasaun ba orgaun kompetente sira  hanesan Governu Timor-Leste atu halo asaun tuir ministeriu ida-idak nia kompetensia.

 

Persiza informasaun Kontaktu

Lady Ximenes

Informasaun & Relasaun Públika PDHJ

Telemovel 726 1843 ou 333 1071

Notisia seluk

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...

Provedoria Direitus Umanus no Justisa Aprezenta Relatóriu Anuál 2023 ba Parlamentu Nasionál

Dili, 25 juñu 2024 - Provedoria Direitus Umanus no Justisa (PDHJ) liu husi sesaun Plenária Ordinária iha loron 25 juñu aprezenta relatóriu anuál tinan 2023...

Provedór Direitus Umanus no Justisa Partisipa Konferénsia Anti-Korupsaun (IACC) XXI

Vilnius, Lituánia - Provedór Direitus Umanus no Justisa, Virgílio da Silva Guterres ‘Lamukan’ partisipa Konferénsia Internasionál Anti-Korupsaun (IACC-sigla ingléz), ne'ebé hala'o iha Vilnius, kapitál Lituânia,...