Ave Caicoli, Dili, Timor-Leste

info@pdhj.tl

  • tp

provedor participa workshop internacional iha jakarta

Date :   16-06-2011

Provedor Direitos Humanos e Justiça, Sebastião Dias Ximenes, partisipa workshop internacional kona-ba Plano Estratégico ba Instituição Nacional Direitos Humanos ba  Região South East Asia Nation Forum durante loron 3 (tolu) hahu iha loron 9 to’o 11 de Junho de 2011 foin lalais neé iha Jakarta-Indonesia. Workshop internacional neé participa Instituição Nacional Direitos Humanos husi Nasaun 5 hanesan, Indonesia, Malaysia, Philipina, Thailandia no Timor-Leste. Embora Timor-Leste seidauk sai membru ba ASEAN maibe PDHJ integra ona hanesan full member ba Forum South East Asia National Human Rights Institution.

Iha workshop durante loron 3 ne,e diskute konaba vizaun, missaun, objectivu no actividades nebe sei halao iha tinan hirak oin mai. Instituisaun direitos humanos sira nebe participa iha workshop ne fahe informação no fó contribuição ideias tuir situasaun real iha ida idak nia Nasaun konaba promosaun no protesaun direitos humanos.

Instituição Nacional Direitos Humanos iha Rejiaun South East Asia neé laos deit diskute konaba Plano Estratégico ba SEANF (South East Asia Nation Forum), maibe diskute mos konaba projecto conjunto ba educação direitos humanos, anti-traffcking ba Feto no labarik, trabalhadores migrantes no projecto conjunto ba direito económico, social no cultural ba dezenvolvimento entre paises membros.

Wainhira plano estratégico ne aprovado ona, sei estabelese secretariado SEANF permanente no membros sira sei contribui ho fee anual hodi bele fó apoio ba servisu no aktividades Forum National Human Rights Institution iha rejiaun SEAN.

Workshop SEANF ne halo abertura husi Presidente Komnas Ham Indonesia nian hanesan Uma nain no Presidente Comissão Direitos Humanos Philipina nian hanesan actual Presidente SEANF nian.

Delegação PDHJ Timor-Leste neébe lidera husi Provedor, acompanha mos Director nain 2 ba workshop neé. Provedor hateten katak workshop neé pozitivu tebes, oinsa instituição nacional direitos humanos iha regiaun South East Asia neé tur hamutuk, halibur hanoin no estabelese programa no aktividades hamutuk iha plano estratégiku atu promove no proteje direitus humanos iha rejiaun neé.


Presiza Informasaun Kontaktu

Lady Ximenes, Relasaun Públika PDHJ

Telemovel 7304260 ou 333 1071

Notisia seluk

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...

Provedoria Direitus Umanus no Justisa Aprezenta Relatóriu Anuál 2023 ba Parlamentu Nasionál

Dili, 25 juñu 2024 - Provedoria Direitus Umanus no Justisa (PDHJ) liu husi sesaun Plenária Ordinária iha loron 25 juñu aprezenta relatóriu anuál tinan 2023...

Provedór Direitus Umanus no Justisa Partisipa Konferénsia Anti-Korupsaun (IACC) XXI

Vilnius, Lituánia - Provedór Direitus Umanus no Justisa, Virgílio da Silva Guterres ‘Lamukan’ partisipa Konferénsia Internasionál Anti-Korupsaun (IACC-sigla ingléz), ne'ebé hala'o iha Vilnius, kapitál Lituânia,...