Ave Caicoli, Dili, Timor-Leste

info@pdhj.tl

  • tp

Provedor halo Vizita de Fiskalizasaun ba Iha Prizaun Gleno

Ermera : Loron, 16 Outubro 2023, Provedor de Direitos Humanos e Justiça, Sr. Virgílio da Silva Guterres “Lamukan” akompaña husi Diretor PDHJ DT Maliana, Sr. Domingos Tavares ho Diretor Prijaun Gleno, Sr. Cristiano Salsinha, halo vizita de fiskalizasaun ba Pezu sira iha Prizaun Gleno hodi hare no rona direita situasaun ne’ebé maka sira enfrenta iha Prizaun nia laran.

Tanba instituisaun PDHJ rasik hanesan orgaun de kontrolu ne’ebé mak nia papel ida mak atu fiskaliza no monitoring ba iha Prizaun sira iha Timor-Leste nune’e labele mosu violasaun ba direitos humanos no torturasaun husi Guarda Prizional sira ba iha Pezu sira.

Iha oportunidade ne’e Provedor rona direita lamentasaun lubuk ida husi Prizioneiru Feto no Mane sira ne’ebé maka lamenta tebes ho asistensia saude ba iha sira nia an tanba iha ne’ebá Semana ida-ida maka foin ba fo konsulta iha ne’ebá maibe kada vez tanba transporte entaun Doutor sira labele ba fó tratamentu ba sira entaun tenke muda fila fali ba semana tuir mai. Alende ne’e sira mós lamenta ho Aimoruk ne’ebé maka Doutor sira fó ba sira tanba limitadu tebes ezemplu bainhira sira moras ba konsulta ema ida tenke simu de’it Paracetamol ho Amoxili musan rua-rua.

Tanba ne’e sira sujere karik bele semana ida Doutor bele fó konsulta dala tolu ba sira no se bele Aimoruk mós tenke fó barak uitoan para bele hatan ba kondisaun moras ne’ebé sira hasoru.

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...