Dili : Loron, 31 Janeiro 2024, Provedor Adjunto Boa Governação, Sr. Rigoberto Monteiro sai orador iha atividade dialogu forum ne’ebé realiza husi Organizasaun Naun Governamental (ONG) FONGTIL. Titulu ba iha dialogu ida ne’e maka “Asegura no Garantia Boa Governasaun Ba Governu”.
Entretantu objetivu husi dialogu forum ida ne’e maka atu hetan input kona-ba sistema boa governasaun iha Timor-Leste. Nune’e bele hetan rejultadu atu hetan dadus naton iha sistema demokrasia no boa governasaun tuir Konstituisaun RDTL nian. No mós organizasaun sosiedade sivil bele iha koinesementu naton kona-ba sistema boa governasaun.
Ne’eduni iha intervensaun Provedor Adjuntu nian, relasiona ho PDHJ nia politika atu hametin boa governasaun, maka koalia liu kona ba mandatu PDHJ nian liga ho promove boa governasaun iha iha instituisaun publiku sira. Adjuntu mós salienta katak, bainhira foti desijaun sala iha politika maka direitamente afeita ba iha boa governasaun.
Entretantu dialogu ne’e rasik realiza iha Sala enkontru FONGTIL Caicoli dili, ho orador mak hanesan, Provedor Adjunto Boa Governasaun, Prezidente Komisaun Funsaun Publika, Diretor Jeral CEPAD, inklui Diretor FONGTIL, Diretor Executivo SASCAS, inklui konvidadus sira ne’ebé mai husi Sosiedade Sivil, inklui autoridade local husi suku Bairu Pite.