Ave Caicoli, Dili, Timor-Leste

info@pdhj.tl

  • tp

PNTL Ermera Apresia ho Formasaun Direitos Humanos Husi PDHJ, UADU no CFP

Dili : Loron, 20 Outubro 2023, Comandante PNTL Munisipiu Ermera agradese no apresia ho formasaun husi formador PDHJ, UADU no CFP tanba bele aumenta liu tan kuinesementu Comandante Eskuadra sira nian hodi hala’o servisu ho profisional liu tan hodi respeita ba direitu sidadaun sira nian.

Hafoin semana ida hahu husi loron, 16-20 Outubro 2023 ekipa formador ne’ebé kompostu husi PDHJ, UADU no Centro Formasaun Polisia (CFP) fasilita formasaun kona-ba kna’ar PNTL liga ho Direitus Umanus ba Comandante Eskuadra PNTL Munisipiu Ermera ho objetivu atu hasa’e profisionalidade servisu Polisia Nasional Timor-Leste (PNTL) Munisipiu Ermera hodi labele komete violasaun direitus umanus iha knaar loron-loron nian.

Iha enseramentu ba atividade ne’e Provedor Adjunto Boa-Governaçao, Sr. Rigoberto Monteiro akresenta katak, formasaun ba direitus humanos inklui materia ne’ebé fasilita ba partisipante sira ne’e atu hasa’e kapasidade no profisionalidade servisu PNTL sira nian iha terenu tanba sira maka servisu besik liu ho komunidade sira.

Ne’eduni apela ba partisipante sira atu iha future bele aplika Pratika ba materia direitos humanos sira ne’ebé maka hetan husi formador sira hodi ejekuta ordem sein iha violasaun ba direitu sidadaun sira nian.

Iha fatin hanesan Comandante Policia Municipio Ermera, Superintendente Ludgerio Lay, mós agradese no apresia tebes ho instituisaun PDHJ, UADU no Centro Formasaun Polisia (CFP) ne’eb’e maka durante semana ida fasilita ona formasaun direitos humanos ba iha nia Comandante Eskuadra sira no husu mós ba Comandante Eskuadra sira atu fahe mós ba membru sira nune’e sira mós bele iha kuinesementu kona-ba saida maka direitos humanos no nia aplikasaun sira.

Alende ne’e nia mós husu atu formasaun ne’e labele para de’it iha ne’e maibe tenke fasilita mós ba sira ne’ebé maka seidauk hetan oportunidade ba tuir.

Entretantu formasaun ne’e rasik realiza iha Sala enkontru Comando PNTL Gleno Munisipiu Ermera, hahu husi loron, 16 Outubro 2023, no ensera husi Provedor Adjunto Boa-Governação, Sr. Rigoberto Monteiro ho Comandante Policia Municipio Ermera, Superintendente Ludgerio Lay.

Notisia seluk

Provedoria Propoin Pontu Fokál Lokál Hodi Mellora Atendementu Keixa Iha Covalima

Covalima, 24 juñu 2025 — Provedór Direitus Umanus no Justisa, Virgílio da Silva Guterres “Lamukan”, akompaña husi Diretór Delegasaun Territoriál Maliana PDHJ nian, Domingos...

PDHJ Husu Aliñamentu Lejizlativu Hodi Proteje Direitu LGBTQI+ No Defisiénsia iha Timor-Leste

Ermera, 18 juñu 2025 — Provedór Direitus Umanus no Justisa, Virgílio da Silva Guterres “Lamukan”, subliña katak promosaun diversidade no inkluzaun—partikularmente iha relasaun ho...

PDHJ Realiza Workshop Validasaun Loron Rua kona-ba Revizaun Tinan Lima ba Planu Asaun Nasionál ba Ema ho Defisiénsia

Dili, 16-17 Juñu 2025 —Provedoria Direitus Umanus no Justisa (PDHJ), liuhosi nia Unidade Asisténsia Jurídika, Administrativa no Peskiza (UAJAP), hala’o ho susesu workshop validasaun...

Provedoria no Prezidente Autoridade Ermera Halo Abertura ba Treinamentu kona-ba Boa Governasaun no Anti Korrupsaun

Ermera, 11 juñu 2025 – Provedór Direitus Umanus no Justisa, Virgílio da Silva Guterres “Lamukan”, no Prezidente Autoridade Munisípiu Ermera, José Martinho dos Santos...
Skip to content