Ave Caicoli, Dili, Timor-Leste

info@pdhj.tl

  • tp

PDHJ, UADU no CFP Fasilita Formasaun Direitos Humanos Ba PNTL Munisipiu Ermera

Ermera : Loron, 16 Outubro 2023, Atu hasa’e profisionalidade servisu Polisia Nasional Timor-Leste (PNTL) Munisipiu Ermera hodi labele komete violasaun direitus umanus iha knaar loron-loron nian, maka durante loron 5 hahu husi loron, 16-20 Outubro 2023, Formador husi PDHJ, UADU no Centro Formasaun Polisia (CFP) fasilita formasaun kona-ba kna’ar PNTL liga ho Direitus Umanus ba pesoal PNTL nain 25.

Entretantu iha abertura ba formasaun ne’e, Provedor de Direitos Humanos e Justiça, Sr. Virgílio da Silva Guterres “Lamukan” hateten Provedor iha atu proteje direitos humanos sidadaun sira nian inklui PNTL no Falintil-FDTL tanba sira mós sidadaun hotu.
Maibe dala barak sempre mosu iha ema nia hanoin dehan PDHJ hanesan instituisaun ida ne’ebé maka atu julga de’it PNTL sira ne’e iha aspetu balun los no balun la los tanba seidauk hatene lolos papel servisu idak-idak nian.

Ne’eduni atu labele mosu dezintendementu entre parte rua maka formasaun ida ne’e importante tebes atu aumenta liu tan kuinesementu PNTL sira nian kona-ba papel PDHJ nian inklui oinsa maka atuasaun Polisia sira nian hodi labele vio
la direitos humanos iha rai doben ida ne’e.

Iha fatin hanesan, reprezenta Unidade Asesoria Direitus Umanus (UADU) ONU iha Timor-Leste, Asessora Claudia Dias, mós akresenta katak, nia espera ho formasaun durante loron 5 ne’e formandu sira bele iha oportunidade atu pratika kona-bá formasaun sira ne’ebé relasaun ho Direitus Umanus nian.

Tanba PNTL nu’udár ajénsia prinsipál ne’ebé aplika lei, ho responsabilidade hodi garante povu nia seguransa no mós propriedade, no salvaguarda sidadaun sira nia direitu tuir konstituisaun no Lei. No ONU iha Timor-Leste iha vontade atu atu kontinua apoia formasaun ba PNTL sira.

Alende ne’e, Comandante Policia Municipio Ermera, Superintendente Ludgerio Lay, mós husu ba aprtisipante sira atu partisipa ho masimu no focus bai ha formasaun ida ne’e tanba, Polisia sira mak hala’o servisu iha terenu no hasoru direita situasaun sira entaun tenke focus. Tanba dala barak kestiona maka direitu maibe haluha tiha obrigasaun entaun aproveita formasaun ida ne’e hodi husu para hatur buat sira ne’e ho di’ak tuir nia daln.

Nia hatutan, depois de formasaun ne’e remata nia sei husu fila fali formandu sira saida maka sira aprende durante loron lima ne’e nune’e bele aplika fila fali iha terenu.
 
 

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...