Ave Caicoli, Dili, Timor-Leste

info@pdhj.tl

  • tp

PDHJ, UADU ho Centru Formasaun Polisia (CFP-PNTL) Fasilita Formasaun Direitus Umanus ba Membru PNTL 30 Iha Maliana

Maliana : Atu hasa’e profisionalidade servisu Polisia Nasional Timor-Leste (PNTL) Munisipiu Bobobaru hodi labele komete violasaun direitus umanus iha knaar loron-loron nian, maka durante loron 5 hahu husi loron, 17-21 Jullu 2023, Formador husi PDHJ ho UADU fasilita formasaun kona-ba kna’ar PNTL liga ho Direitus Umanus ba pesoal PNTL nain 30.

Entretantu iha abertura ba formasaun ne’e, reprejenta Provedor Adjuntu ba área Governasaun Di’ak, Rigoberto Monteiro, iha nia intervensaun hateten, nia espera ho formasaun ida ne’e, sai hanesan referensia ida ne’ebé bele aumenta formandu sira nia kuñesementu iha kna’ar lorloron nian ne’ebé liga ho direitus umanus.

“Treinamentu ne’e sai hanesan referensia ida nebe bele aumenta ita bo’ot sira nia kuñesementu iha direitus umanus nian, nune’e bainhira fila ba ita bot sira nia fatin servisu bele implementa iha ne’ebá,’’hateten Provedor Adjuntu Governasaun Di’ak, Rigoberto Monteiro, iha fatin formasaun Sala Enkontru Komandu PNTL Maliana. Loron, (17/07/2023).

Nia hatutan, koalia kona-ba knaar Polisia ein relasaun ho protesaun direitus umanus sira nia kna’ar ida importante ne’e maka buat ida ema bolu lei no orden, em prinsipiu Polisia hanesan Militar hakruk ba orden atu defende kuadramentu legal sira ne’ebé aplika iha nasaun ida ne’e. Tanba dala ruma iha atuasaun servisu mosu dezintendementu entre Polisia ho Sosiedade. Tanba dezintendementu sira ne’ebé akontese ne’e maka halo dala ruma mosu keixa barak husi sosiedade ba PDHJ hasoru pesoal PNTL sira.

Ne’eduni formasaun sira kona-ba direitus umanus importante ba PNTL sira liu-liu ajentes sira ne’ebé halo knaar iha area remotas atu nune’e haklean sira nia matenek ho kuñesementu kona-ba prinsipius direitus umanus, nune’e wainhira hala’o knaar hakruuk ba orden no proteje sosiedade Timor-Leste ida ne’e maka objetivu ida importante liu husi formasaun ida ne’e.

Tanba PNTL mós entidades estadu ida ou organizasaun estadu ida kompetensia PNTL laos de’it atu hare ka halo protesaun  ba direitus umanus nian maibe kompetensia importante ida mós maka promove governasaun di’ak, tanba governasaun di’ak ne’e implika husi politika sira ne’ebé ulun bo’ot sira halo liu husi lejislasaun, despacho, normativu, buat sira ne’e hotu wainhira governasaun di’ak lao la di’ak ninia implikasaun ne’e ba violasaun direitus umanus.

“Entaun hanesan komandante Mau-Luta sira ne’e importante atu lidera instituisaun ne’e garante ho integridade ho responsabilidade mós promove iha instituisaun PNTL nia laran.atu nune’e violasaun mós labele mosu ho desijaun politika ne’ebé PNTL foti labele viola fali elementus ka ajentes sira nia direitu iha instituisaun nia laran,” hatutan Adjunto.

Iha fatin hanesan, reprezenta ONU Direitus Umanus iha Timor-Leste, Sra. Amelia de Araujo mós akresenta katak, nia espera formandu sira bele iha oportunidade atu pratika kona-ba formasaun sira ne’ebé relasaun ho Direitus Umanus nian.

Tanba PNTL mak entidade prinsipal hodi hametin lei iha nasaun Timor-Leste no salva guarda sidadaun sira nia direitu  tuir lei ne’ebé iha ona.

Nia hatutan, UADU kontenti suporta programa direitus umanus ne’ebé lao ona durante tinan hira nia laran no ONU Timor-Leste iha vontade atu kontinua apoiu formasaun ida ne’e.

Maske nune’e Comandante PNTL Municipio Bobonaro, Superintendente Xefe Antoninho Mau-Luta, haktuir sira nia parte agradese tebes ho formasaun ne’e no sira sei kontinua kopera hodi fó apoiu ba iha formasaun ida ne’e nune’e bele aumenta liu tan membru PNTL sira nia kuñesementu hodi respeita sidadaun sira nia direitus.

Notisia seluk

Estadus Unidus no Timor-Leste Halo Parseiria hodi Lansa Inisiativa Xave Anti-Korrupsaun

Komunikadu Imprensa                                            ...

Provedór Guterres Partisipa iha Fórum ASEAN Dahuluk Nian Kona-ba Liberdade ba Reuniaun Pasífika

Provedór Virgílio da Silva Guterres ‘Lamukan’ partisipa iha Fórum ASEAN kona-ba Liberdade Reuniaun Pasífika, ne’ebé hala’o iha loron 15-16 fulan-jullu tinan 2024, iha Banten,...

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...