Dili : Loron, 24 Junho 2022, Provedora de Direitos Hu
manos e Justiça, Jesuina Maria Ferreira Gomes,MPA, akompaña husi Provedor Adjuntu Boa Governação, Sr. José Telo Soares Cristovão no Provedora Adjunta Direitus Umanus, Sra. Benicia Eriana Magno, inklui Xefe Gabinete, Sr. Silvino Saldanha Pereira, no Secretariu Executivo, Sr. Ambrosio Graçiano Soares, submete relatoriu annual 2021 ba Prezidente Parlamentu Nacional, Dr. Aniceto Longuinhos Guterres Lopes. Iha sala audiensia Gabinete Prezidente Parlamentu nasional.
Provedora haktuir, tuir estatutu Provedor lei Nu.7/2004 artigu 46 katak, tinan-tinan ate 30 de Junho, Provedor tenke submete relatoriu annual iha tinan ida uluk nian kona ba atividade ne’ebé maka lao ona iha anu sivil iha tinan anterior 2021 ba iha Parlamentu nacional. Ne’eduni iha audensia ne’e atu aprejenta rezumu relatoriu ne’e rasik.
“Prezidente marka ona ajenda dia 28 tersa feira semana oin PDHJ sei mai Parlamentu Nacional atu halo aprezentasaun iha plenaria,” hateten, Provedora, Jesuina Maria Ferreira Gomes,MPA, iha nia intervista ho Jornalista nacional sira iha Parlamentu nacional.
Provedora hateten, PDHJ nia rezumu atividade iha relatoriu laran ne’e bazeia ba iha nia planu estrateziku iha metas 4 ne’ebé mak iha programa lubuk ida iha ne’ebá, liu-liu iha 2021 PDHJ iha nia Programa 7 iha nia Sub Programa 11, iha atividade 43.
Entretantu husi atividade 43 ne’e konsege realiza 36 no 7 mak la konsege realija tanba ho rajaun Covid neduni atividade sira hanesan desiminisaun no formasaun ne’ebé mak involve ema barak ne’e la konsege atu realiza hotu.