Ave Caicoli, Dili, Timor-Leste

info@pdhj.tl

  • tp

PDHJ SELEBRA LORON INTERNASIONAL DIREITOS HUMANOS HO KOMUNIDADE TUTULURO

Tutuluro, 10 Desembru 2014: Loron Internasional Direitos Humanos (10 Dezembru 2014) ba dala 66 PDHJ selebra hamutuk ho komunidade sira iha Suku Tutuluro, Sub Distritu Same, Administrasaun Munsipiu Manufahi. Iha selebrasaun refere PDHJ fó premio direitos humanos ba PNTL husi Munsipiu Ainaro no Covalima ba PNTL sira nia prestasaun servisu durante tinan ida nia laran. Razaun PNTL husi Munsipiu rua refere simu preimio direitos humanos husi PDHJ tanba keixas husi komunidades ba kazu indikasaun violasaun direitos humanos menus ba periodu tinan ida.

Enkuantu iha oportunidade hanesan Dr. Silverio Pinto Baptista, Provedor halo lansamentu ba web-site PDHJ, livros manual Direitos Humanos ba PNTL, lansamentu segundu revizaun ba konpilasaun internasional Direitos Humanos no lansamentu manual direitus humanos. Iha sorin seluk PDHJ mos realiza jogos ba estudante 1a-6a, pinta dezeñu no jogos amizade entre PNTL, komunidade ho PDHJ.

Provedor hatutan tan kriteria hodi fó premio direitos umanus ba PNTL husi Munsipiu Ainaro no Covalima tanba durante tinan ida nia laran hahu husi loron 1 Fulan Desembru 2013 toó loron 30 Novembru 2014 keixa husi komunidade sira ba PDHJ kona-ba indikasaun violasaun direitos umanos hasoru membros PNTL husi munsipiu refere menus”.

Provedor subliña liu husi premio direitos umanus ne’e nu’udar meus ida hodi fó motivasaun ba membrus PNTL iha Distritu munsipiu no Covalima no mos membros PNTL iha munsipiu sira seluk hodi bele serbi di’ak liu tan komunidade sira ho profesional tuir lei no ordem mak iha.

Iha momentu ida ne’e Provedor fó hanoin hikas ba autoridades públikus hanesan membru governu, lideransa lokal, lideransa komunitario, funsionariu públiku tenke hala’o knar ho di’ak hodi nune’e Estadu Timor-Leste ne’ebé maka oras ne’e sai hanesan membro ba tratados internasional Direitos Humanos maka ratifika onab ele kumpri duni dever estadu maka hanesan respeita, protégé no hakonu.

Provedor husu ba sidadaun Timor-Oan hotu maka iha ne’ebé de’it katak ita hotu bele husu ita nia direito ba estadu atu respeita, protégé no hakonu, maibe hanesan sidadaun ne’ebé maka di’ak ita mos tenke kumpri ita hotu nia dever hanesan sidadaun. Ita hotu nia dever maka kumpri leis hirak ne’ebé maka estadu liu husi Parlamentu Nasional no Governu aprova ona. Husu mos atu sidadaun hotu-hotu hadok-an husi violensia hotu-hotu inklui violensia domestika.

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...