Ave Caicoli, Dili, Timor-Leste

info@pdhj.tl

  • tp

pdhj sei selebra loron internasional feto iha fatuberliu

Data, 05-03-2010

Provedoria dos Direitos Humanos e Justiça (PDHJ) sei selebra loron Internasionál Feto 8 Marsu 2010 iha Fatuberliu Manufahi.

Hodi selebra loron importante ne’e PDHJ sei hala’o fahe informasaun ho modelu workshop ba feto sira iha aria rural hanesan focal point iha distritu Manufahi no sub distritu Fatuberliu, feto husi sub distritu seluk inklui reprezentante feto husi suku seluk.

 Dr. Sebastião Dias Ximenes, Provedor hateten “ objetivo husi atividade ne’e atu valoriza loron internasionál feto hanesan loron importante ba feto iha mundu tomak liu-liu feto Timor-Leste. Nune’e mós feto sira bele iha komprensaun kona-ba sira-nia direitu”.

 “Liu husi meus fahe informasaun ne’e ho hanoin atu fó korajen ba feto sira nia partisipasaun iha dezenvolvimentu ba vida polítika, sosiál, ekonomia no kultura iha sira nia rain” hatutan Dr. Sebastião   

 Matéria ne’ebé sei hato’o iha workshop ne’e kona-ba knaar PDHJ, direitus humanus báziku, CEDAW, violénsia bazeia ba jéneru no papél PNTL hodi fó protesaun ba vítima violénsia bazeia ba jéneru.

 Aliem de feto iha aria rural partisipante seluk ne’ebé mak sei partisipa iha workshop ne’e mak Administradór Sub Distritu Fatuberliu, Administradór Sub Distritu Alas, Administradór sub Distritu Natarbora, Xefe Departamentu Saúde, Xefe Departamentu Meu Ambiente, Xefe Departamentu Edukasaun, Komadante PNTL Distritu, Komadante PNTL Sub Distritu hotu, Director eskola Primária, Pre-Sekundaria no Sekundaria iha Sub Distritu hotu, Padre no Madre sira, estudantes husi Sub Distritu Fatuberliu, komunidade sub distritu Fatuberliu no reprezentante feto, dehan Provedor.     


Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali Justiça.

Presiza informasaun Kontaktu

Lady Ximenes

Offisial Informasaun & Relasaun Públika PDHJ

Telemovel 7304260 ou 333 1071

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...