Iha oportunidade hanesan, Ombudsman husi Nova Zelandia Sr. Peter Boshier kongratula PDHJ hodi sai membru foun iha SEAOF hodi kontinua servisu hamutuk ho instituisaun sira seluk ba dezenvolvimentu instituisaun nian.
Mokhamad Najih, Ombudsman Republika Indonesia (ORI) nu’udar uma nain ba eventu refere kongratula PDHJ nia vontade di’ak hodi sai membru permanente SEAOF nune’e bele fó kontribuisaun ba assuntu boa governasaun iha rejiaun Asian liu-liu atu desenvolve nasaun Timor-Leste. Membru sira permanente ba SEAOF kompostu husi Ombudsman of the Republic Indonesia, Ombudsman of the Philippines, Ombudsman of the Kingdom of Thailand no membru foun maka PDHJ-Tho apoiu imor-Leste. PDHJ sai membru permanente SEAOF bazeia ba pedidu husi Provedora iha fulan novembru 2022 iha Bangkok-Thailandia liu husi SEAOF meeting.
Hafoin Chairman SEAOF ofisialmente deklara PDHJ sai membru permanente SEAOF, iha biban hanesan membru SEAOF sira simu PDHJ liu husi dansa tradisionál nu’udar simbul fó bem vinda ba membru foun. Nune’e mos PDHJ hetan oportunidade hanesan ho membru permanente sira seluk hodi partisipa enkontru nomos hato’o intervensaun iha enkontru ne’’e nomos enkontru sira tuir mai.
Enkontru SEAOF, ekipa PDHJ lidera husi Provedor kontinua halo enkontru ho ekipa husi New Zealand Ombudsman hodi halo diskusaun relasiona ho Memorandum of Understanding (MoU) entre PDHJ no Ombudsman New Zealand ne’ebé asina ona iha fulan Outubru 2022 iha Novazelandia. Iha enkontru Provedor hato’o agradesimentu ba Ombudsman Novazelandia nia komitementu hodi apoiu PDHJ relasiona apoiu ba desenvolvimentu institusionál. Enkuantu Chief Ombudsman New Zealand Peter Boshier reafirma katak kontinua pronto hodi fo apoiu ba PDHJ iha aria formasaun no kapasitasaun ho asuntu boa governasaun.
Entretantu ekipa husi PDHJ ne’ebé partisipa iha enkontru SEAOF maka Sra. Teresinha Ximenes, Diretora de Gestão de Recursos Humanos, Olga Vilanova, Teknika Espesializada Kooperasaun Institusional no Fidelia Magno, Sekretaria Provedor.