“𝐀𝐦𝐢 𝐬𝐞𝐧𝐭𝐢 𝐩𝐫𝐞𝐯𝐢𝐥𝐞́𝐣𝐢𝐮 𝐛𝐨’𝐨𝐭 𝐢𝐝𝐚 𝐛𝐞𝐥𝐞 𝐡𝐞𝐭𝐚𝐧 𝐟𝐨𝐫𝐦𝐚𝐬𝐚𝐮𝐧 𝐡𝐮𝐬𝐢 𝐏𝐃𝐇𝐉 𝐤𝐨𝐧𝐚-𝐛𝐚́ 𝐩𝐚𝐩𝐞𝐥 𝐬𝐞𝐫𝐯𝐢𝐬𝐮 𝐏𝐃𝐇𝐉 𝐧𝐢’𝐚𝐧, 𝐭𝐚𝐧𝐛𝐚 𝐝𝐮𝐫𝐚𝐧𝐭𝐞 𝐧𝐞’𝐞 𝐞𝐦𝐚 𝐡𝐨 𝐝𝐞𝐟𝐢𝐬𝐢𝐞́𝐧𝐬𝐢𝐚 𝐛𝐚𝐫𝐚𝐤 𝐦𝐚𝐤𝐚 𝐬𝐞𝐢𝐝𝐚’𝐮𝐤 𝐡𝐚𝐭𝐞𝐧𝐞 𝐏𝐃𝐇𝐉 𝐧𝐨 𝐧𝐢𝐚 𝐩𝐚𝐩𝐞𝐥 𝐥𝐨𝐥𝐨́𝐬”.
Hatete Rosalia Pereira, Jestóra Programa Asosiasaun Defisiénsia Timor-Leste (ADTL).
Iha loron 4 no 5 fulan juñu ekipa Formasaun husi PDHJ realiza sesaun diseminasaun informasaun ida hodi lori komunidade ema ho defisiénsia na’in 50 husi ADTL mai edifísiu sentrál PDHJ hodi partilla ho sira informasaun relevante sira kona-ba papel PDHJ ni’an.
Provedóra-Adjunta ba Direitus Umanus Maria Marilia da Costa bainhira loke sesaun ne’e hatete katak Provedoria iha papel importante ida maka atu proteje sidadaun sira inklui ema ho defisiénsia nia direitu labele violadu husi poder públiku sira.
“Aproveita didi’ak sesaun ida ne’e, atu imi hatene imi nia direitu no imi bele hato’o keixa ba PDHJ bainhira imi nia direitu entidade públiku sira viola,” Adjunta hatete.
PDHJ órgaun independente iha papel hare’e no buka hatan ba sidadaun sira nia keixa hasoru poderes públiku, atu hare’e lolo’os hahalok sira ne’ebé tuir lei no halo prevensaun no hahú prosesu tomak hodi haburas fila fali justisa.
This post is also available in: English