Data, 18-04-2008
Dr. Silverio Pinto Baptista Adjunto Provedor nu’udar reprejentante husi Provedoria dos Direitos Humanos e Justiça (PDHJ) hahu iha 14-18 Abril partisipa iha enkontru kona-ba International for the Coordinating Commitee of National Institutions for the Promotion and Protection of Human Rights (ICC).
Dr. Silverio P. Baptista, Adjunto Provedor hateten “ objetivo husi enkontru ne’e atu hatama no identifika
issus ne’ebé iha relasaun ho futuru ICC hanesan funsaun, estrutura, governasaun no financial. Alien ida
ne’e atu fahe informasaun, diálogu no konversasaun husi Instituisaun Nasionál Direitos Humanos regional sira no issus tematik interesaantes seluk”.
“Issus tematik sira ne’e mak hanesan Instituisaun Nasionál Direitos Humanos ho kiak, Aleijadu no
konfirma fila fali deklarasaun kona-ba Santa Cruz ne’ebé akontese iha, Bolivia, Amérika Latina”
hatutan Dr. Silverio.
Adjunto Silverio “ho laran sente orgullu tanba hanesan primeiru PDHJ tuir enkontru ne’e depois de Timor Leste hetan nia independénsia iha 2002. No mós hanesan oportunidade atu PDHJ bele sai membru ICC”.
Enkontru annual ba dala 20 ne’e partisipa husi reprezentante grupu regional Instituisaun Direitos Humanos mai husi Asia Pacific, America, Africa no Europa.
Iha enkontru Bilateral ne’e mós Dr. Silveio ho reprezentante hosi Office of Ombudsman, Nabia, Ombusdman Mr. Dr. Jhon Walter, Chairman National Human Rights Commission, Mauritius, Dr. Dheeraj SEETULINGH sira fahe esperensia kona-ba oinsá halo monitorizasaun iha Prizaun, Detensaun, territóriu tomak, dezenvolve manual monitoring, loke kooperasaun ho NGO.
Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali justisa.
Presiza informasaun Kontaktu
Lady Ximenes
Informasaun & Relasaun Públika PDHJ
Telemovel 726 1843 ou 333 1071