Ave Caicoli, Dili, Timor-Leste

info@pdhj.tl

  • tp

pdhj offisialmente sai membru icc

Data, 19-05-2008

Tuir Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali justisa.

Bazeia ba mandatu ne’ebé iha Provedoria dos Direitos Humanos e Justiça (PDHJ) ofisialmente sai ona membru (International for the Coordinating Committee of National Institutions for the Promotion and Protection of Human Rights (ICC) iha fin fulan Abríl 2007.

Dr. Silverio P. Baptista, Adjunto Provedor hateten “ne’e nu’udar orgullu boot ba instituisaun PDHJ ne’ebé nu’udar instituisaun nasionál ne’ebé atu proteje no promove direitus humanus. Tanba sai membru ICC iha oportunidade boot atu bele hetan tulun husi membru ICC sira seluk husi nasaun seluk”.

“PDHJ sai membru ICC ne’e iha posibilidade atu bele haree no tau matan kuandu Konvensaun internasionál ruma ne’ebé Estadu Timor-Leste ratifika ona maibé la implementa iha nasaun laran PDHJ iha kbiit atu bele hato’o sujestaun ruma” hatutan Dr. Silverio.

Kompetensia no responsablidade membru sira iha ICC mak hanesan, instituisaun direitos humanus ne’ebé estabelese bazeia ba konstituisaun nasaun ida-idak nian, proteje no promove direitos humanus, ratifika ona instrumentu internasionál direitos humanus, iha relasaun ho instituisaun nasionál direitos humanus humanus husi nasaun seluk no iha pluralismu iha instituisaun nasionál direitos humanus.

Adjunto Silverio hateten “PDHJ nu’udar instituisaun  foun iha nasaun foun RDTL prenxe ona kritériu ICC nian hodi sai membru. Maibé importante tebes mak presiza instituisaun nia servisu maka’as atu proteje no promove direitos humanus iha nasaun laran”.     

Molok PDHJ sai membru ICC iha loron 14-18 Abríl 2008, adjunto Provedor Dr. Silverio P. Baptista partisipa ona iha enkontru kona-ba International for the Coordinating Committee of National Institutions for the Promotion and Protection of Human Rights (ICC). Momentu iha enkontru ne’ebá PDHJ rasik proposta atu bele sai membru ICC, maibé Committee ICC lista PDHJ sai kandidatu ida hodi prepara-an sai membru ICC.

Presiza informasaun Kontaktu

Lady Ximenes

Informasaun & Relasaun Públika PDHJ

Telemovel 726 1843 ou 333 1071

Notisia seluk

Estadus Unidus no Timor-Leste Halo Parseiria hodi Lansa Inisiativa Xave Anti-Korrupsaun

Komunikadu Imprensa                                            ...

Provedór Guterres Partisipa iha Fórum ASEAN Dahuluk Nian Kona-ba Liberdade ba Reuniaun Pasífika

Provedór Virgílio da Silva Guterres ‘Lamukan’ partisipa iha Fórum ASEAN kona-ba Liberdade Reuniaun Pasífika, ne’ebé hala’o iha loron 15-16 fulan-jullu tinan 2024, iha Banten,...

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...