Ave Caicoli, Dili, Timor-Leste

info@pdhj.tl

  • tp

PDHJ-MS-IGE Kapasita Funsionáriu Saúde Munisipiu Ermera

Ermera– Provedoria dos Direitos Humanos e Justica (PDHJ), Departementu Promosaun no Edukasaun, servisu hamutuk ho Ministériu da Saúde (MS), Inspesaun Geral do Estadu, (IJE) iha loron 21 to’o 23 Setembru 2015 ba fo kapasitasaun ba funsionáriu Públiku Ministériu da Saúde iha Munisipiu Ermera.

Treinamentu ne’ebé realiza ho tema ”Hasáe Koñesimentu Funsionalismu Públiku iha Area, Saúde hodi promove Governasaun Diak”. Treinamentu loron tolu ne’e, realize bazeia ba akordu koperasaun entre, PDHJ, IGE no MS iha fulan hirak liu ba. Pesoal Saúde ne’ebé partisipa iha treinamentu refere mak hanesan, infremeiros, Doutores, Parteiras, kargus xefias no mós Profisionais Saúde sira.

Treinamnetu durante loron tolu, Fasilitador husi instituisaun tolu, ne’e esplika ba partisipantes sira konaba, Papel PDHJ, servisu MS no IGE tamba durante ne’e,  funsionáriu sira seidauk hatene diak konaba instituisaun tolu nia servisu.

Inspetor Geral do Estado, Francisco de Carvalho hato’o ba partisipantes sira katak, hanesan instituisaun estadu dala ruma mosu mal administrasaun, abuzu de poder iha instituisaun estadu nian, tamba ne’e instituisaun tolu kopera hamutuk fo treinamentu, hanesan meus ida hodi prevene.

Inspetor ne’e husu ba Funsionáriu Públiku Ministériu da Saúde ne’ebé tuir treinamentu ne’e atu aplika materia durante treinamentu iha ida-idak nia servisu fatin hodi promove governasaun diak iha nasaun RDTL liu-liu iha Ministériu Saúde.

Iha fatin hanesan Director Governasaun Di’ak Provedoria dos Direitos Humanos e Justiça (PDHJ), Jose Manuel Fereira, hatete  iha instituisaun estadu balu mosu ona problema iregularidade, mal administrasaun no abuzu de poder, nomos  utiliza sasan estadu la tuir regras, ho nune’e, liu husi treinamentu bele fó hanoin ba funsionáriu sira labele monu ba sala no labele hetan xamada husi PDHJ no mos Comisaun Anti Corupsaun (CAC).

Treinamentu ne’e loke diretamente husi Diretor Jeral Ministériu de Saúde, ne’ebé akompañia husi Inspetor Geral do Estado, no Diretor Governasaun Di’ak husi Provedoria do Doreitos Humanos e Justiça (PDHJ).

Notisia seluk

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...

Provedoria Direitus Umanus no Justisa Aprezenta Relatóriu Anuál 2023 ba Parlamentu Nasionál

Dili, 25 juñu 2024 - Provedoria Direitus Umanus no Justisa (PDHJ) liu husi sesaun Plenária Ordinária iha loron 25 juñu aprezenta relatóriu anuál tinan 2023...

Provedór Direitus Umanus no Justisa Partisipa Konferénsia Anti-Korupsaun (IACC) XXI

Vilnius, Lituánia - Provedór Direitus Umanus no Justisa, Virgílio da Silva Guterres ‘Lamukan’ partisipa Konferénsia Internasionál Anti-Korupsaun (IACC-sigla ingléz), ne'ebé hala'o iha Vilnius, kapitál Lituânia,...