Ave Caicoli, Dili, Timor-Leste

info@pdhj.tl

  • tp

pdhj loke investigasaun ba kazu atuasaun pntl ne,ebé halo mate joven ida iha dili

Date:  19-07-2012

Dili– Dr. Rui Pereira dos santos, Provedor Interino hateten katak, bazeia ba akontesimentu ne’ebe mosu iha Kapital Dili, iha Domingo to’o Segunda-Feira dia 16 Jullu 2012, Provedoria dos Direitos Humanos e Justiça (PDHJ) liu husi ekipa monitor halo ona observasaun ba iha fatin detensaun polisia nian iha Caicoli-Dili. Ekipa monitor PDHJ identifika katak iha ema nain sanulu resin ida (11) oras ne’e daudaun detein hela iha sela detensaun hodi hein prosesu investigasaun.

Iha Sorin Seluk, Provedor Interino hatutan katak relasaun ba atuasaun PNTL, ne,ebé rejulta ema ida mate tuir PDHJ nian monitorizasaun katak iha atuasaun PNTL nian hamosu violasaun direitus umanus. Nune,e PDHJ konsidera katak atuasaun ne,ebé PNTL halo iha parte balun hamosu violasaun direitus umanus, ne,ebé rezulta vitima matebian Armindo Pereira da Silva mate. Provedor loke investigasaun bazeia ba inisiativa Provedor ba kazu refere, tuir Artigu 35 Estatutu PDHJ Lei Númiru 7/2004.

Dr. Rui hateten katak, PDHJ sei kontiua halo monitorizasaun ba área direitus humanus em jeral, espesial liu kona-ba direitu ema nian iha fatin detensaun. PDHJ hanesan Instituisaun nasional direitus Umanus husu ba parte polisia atu hatudu servisu ho profesionalismu bainhira halo atuasun, no tenki mos tuir regras ne’ebe iha ona, atu nune’e bele respeita ema nia dignidade no direitu.

 

Presiza Informasaun Kontaktu Lady Ximenes, Telemovel 7304260 ou Jóse Tefa 735 1412 ou 3331071, Relasaun Públika PDHJ ou www.pdhj.org

Notisia seluk

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...

Provedoria Direitus Umanus no Justisa Aprezenta Relatóriu Anuál 2023 ba Parlamentu Nasionál

Dili, 25 juñu 2024 - Provedoria Direitus Umanus no Justisa (PDHJ) liu husi sesaun Plenária Ordinária iha loron 25 juñu aprezenta relatóriu anuál tinan 2023...

Provedór Direitus Umanus no Justisa Partisipa Konferénsia Anti-Korupsaun (IACC) XXI

Vilnius, Lituánia - Provedór Direitus Umanus no Justisa, Virgílio da Silva Guterres ‘Lamukan’ partisipa Konferénsia Internasionál Anti-Korupsaun (IACC-sigla ingléz), ne'ebé hala'o iha Vilnius, kapitál Lituânia,...