Provedoria dos Direitos Humanos e Justiça (PDHJ), liu husi Diresaun Nasional
Direitos Humanos, Departamento Promosaun no Edukasuan kapasita membru sira PNTL iha
Distritu Ainaro, durante loron ha’at hahu husi loron 26 to’o 29 fulan Agostu 2014, iha salaun
enkontru PNTL Distrito Ainaro.
Dr. Silverio Pinto Baptista, Adjuntu Provedor iha abertura hateten autoridade hotu-hotu inklui
membru PNTL iha dever tenke hatene direitos humanos tanba Estadu Timor-Leste ratifika ona
konvensaun internasional hitu kona-ba direitos humanos. Bainhira estadu Timor-Leste ratifika
ona konvensaun internasional nune’e konvensaun ne’ebé iha sai hanesan lei hodi nune’e
membrus estadu sira halo tuir. Estadu nia dever maka promove, protege no hakonu (fullfil).