Date, 27-06-2007
Provedor de Direitos Humanos e Justiça (PDHJ) iha loron 28 Juñu 2007 sei hato’o relatoriu annual ba Prezidente Parlamentu Nasionál iha uma fukun Parlamentu Nasional. Relatoriu ne’e sei hato’o ho lian Portugues.
Bazeia ba lei numiru 7/2004 estatutu do Provedor de Direitos Humanos e Justiça (PDHJ) artigu 46 katak, iha loron 30 Fulan-Juñu tinan-tinan Provedór Direitos Humanos no Justiça sei hatada relatoriu ida kompletu kona-ba ninia atividade no inisiativa sira inklui estatístika kona-ba kazu no solusaun sira ne’ebé hetan ona durante tinan ida nia laran haktuir kalendàriu sivíl nian ne’ebé remata iha loron 31 fulan-Dezembru ba Parlamentu Nasional.
“Liu husi relatoriuu ne’e Provedoria dos Direitos Humanos e Justiça atu hato’o atividade ne’ebé durante ne’e hala’o hanesan edukasaun, treinamentu ba membros F-FDTL, PNTL, monitorizasaun, keixa ne’ebé hato’o husi komunidade, investigasaun no rekomendasaun ba orgauns kompetentes, hateten Provedor Dr. Sebastião Dias Ximenes”.
“Relatoriu ba dala rua ne’e fó sai mos ba públiku atu nune’e públiku bele akompana servisu Provedoria nian ne’ebé hala’o durante tinan 2006 hatutan Dr. Sebastião Dias Ximenes”.
Iha Relatoriu ne’e Provedor hato’o rekomendasaun balun ba Parlamentu Nasionál ho objetivu atu oinsa reforsa knaar PDHJ nian iha futuru hanesan orgaun ne’ebé indepedente.
Relatoriu annual ne’e mos sei tradus ba lian Tetum no Ingles atu fahe ba instituisaun governu nian, instituisaun Istado, organizasaun internasionál, NGO Nasionál no internasional.
Persiza informasaun kontaktu
Lady Ximenes, Informasaun & Relasaun Públika PDHJ
No Telemovel 726 1843 ou Telp 333 1071