Ave Caicoli, Dili, Timor-Leste

info@pdhj.tl

  • tp

Pdhj halo monitorizasaun ba situasaun jeral iha distritu manufahi

Data, 17 – 07 – 2007

Tuir Artigu 3 Lei Númiru 7/2004 kona-ba Estatutu Provedór de Direitos Humanos e Justiça (PDHJ) katak Provedór Direitus Humanos no Justiça hala’o ninia funsaun sira iha àmbitu atividade sira entidade públiku nian, partikulármente Governu nian, PNTL, Servisu Prizaun nian no F-FDTL  nian.

 Tuir informasaun ne’ebé Provedória dos Direitos Humanos no Justiça (PDHJ) hetan husi media katak povo iha distritu Manufahi la livre hala’o sira-nia atividade hanesan baibain. Alien ida ne’e estudante sira mos sente la livre atu ba eskola tanba situasaun atual agora iha Manufahi ladun di’ak relasaun ho Alfredo nia prezensa iha distritu ne’ebé refere.

Bazeia ba informasaun husi media ne’ebé PDHJ hetan asesu mak PDHJ haruka funsionarius nain rua atu hala’o monitorizasaun iha terenu kona-ba situasaun geral iha Distritu Manufahi hahu husi 17 to’o 21 Jullu 2007.

“Liu husi monitorizasaun ne’e atu haree direitamente situasaun atual agora iha Distritu Manufahi nomos Sub Distritu balu hanesan Sub Distritu Same no Sub Distritu Alas, esplika  Adjunto Provedór Dr. Silverio Pinto Baptista”.  

 Tuir Artigu 5 pontu 2 Lei Númiru 7/2004 kona-ba Estatutu Provedór de Direitos Humanos e Justiça (PDHJ) katak rejultadu  monitorizaun ne’e PDHJ sei hato’o rekomendasaun ba orgaun kompetente sira  hanesan Governu Timor-Leste, PNTL, FSI, UNPOL, hatutan Adjunto Silverio”.

 Monitorizasaun ne’ebe sei hala’o konjunta ho membros nain 2 husi NGO Klibur HAK no staf PDHJ husi Divizaun Direitus Humanus (PDHJ) ne’e sei hala’o ho profisional no imparsialidade. Hateten Dr. Valerio Magno Ximenes Direitur ba area direitus humanos (PDHJ).  

Liu husi monitorizasaun ne’e sei haree mos ireguleridades ne’ebe involve instituisoens Estádu nian hanesan polisia, orgauns kompetentes ne’ebe la uza sira nia poder no influensia hodi prevene violensia ne’ebe bele viola direitus humanus sidadaun seluk nian.

Adjunto Provedór ba area direitos Humanos Dr. Silveiro espera katak parte seguransa presiza haree didiak problema Alfredo Reinaldo ninian atu nune’e Alfredo nia problema labele afeita ba povo nia movimentu iha distritu Manufahi.

 “Ikus liu Dr. Silverio Apela ba Alfredo ho nia grupu  atu labele kria tan situasaun ne’ebé a’at liu tan hanesan  iha tempu liu ba, atu nune’e parte seguransa labele halo limitasaun ba povo nia atividade no movimentu”.

Persiza informasaun Kontaktu

Lady Ximenes

Informasaun & Relasaun Públika PDHJ

Telemovel 726 1843 ou 333 1071

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...