Ave Caicoli, Dili, Timor-Leste

info@pdhj.tl

  • tp

PDHJ Halo Asaun Karidade Ba Prizioneiru Feto Iha Gleno

Dili: 25 Maio 2018, Provedoria Direitus Humanos no Justisa (PDHJ), halo asaun karidade hodi apoiu sasan nesesidade baziku ba Prizioneiru feto sira iha prizaun Gleno.

Objetivu husi asaun karidade ne’e hodi selebra aniversariu PDHJ nian bad ala sanulu resin hat.

Tuir provedor Dr. Silveiro Pinto Baptista katak, hare situasaun Estadu ne’ebé mak ladun estabil, PDHJ hola inisiativa hodi halo kontribuisaun husi funsionariu tomak hodi halo asaun karidade ba prizioneiru feto sira iha Prizaun Gleno.

“Selebrasaun tinan ne’e ita halo de’it asaun karidade no ita halo deit asaun no ita deside mai iha Prizaun Gleno hodi fo ajuda sasan nesesidade ba prizioneiru feto sira ne’ebe bele uja loron-loron,”hateten Provedor PDHJ Dr. Silveiro P. Baptista.

Nia dehan, prizaun laos fatin at maibe fatin atu hadia an, halo koreksaun nune’e bele sai ema diak liu tan iha future, tanba ema hotu-hotu la ses husi sala, maibe importante mak buka atu muda hahalok sira ne’e.

Iha fatin hanesan director estabelesementu prizional Gleno Nito dos Santos orgullu ho vizita karidade husi PDHJ ne’e, tanba fo ajudus humanitariu balun ba prizioneiru feto sira.

“ita espera vizita ne’e mós hanesan lina koperasaun entre PDHJ ho prizaun no ba oin sei hetan nafatin vizita sira hanesan ne’e hodi fó motivasaun ba prizioneiru sira,” hateten, Nito.

Nia hatutan, oras ne’e dadaun total prizioneiru iha prizaun Gleno hamutuk na’in 95 kompostu husi Feto 18 mane 77.

Antes halo vizita karidade ba prizaun Gleno PDHJ selebra uluk misa iha igreja Katedral Dili no PDHJ hari iha loron 25 fulan Maio tinan 2005.

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...