Baucau, Ekipa Fiskalizasaun Provedoria dos Direitos Humans e Justiça (PDHJ) liu husi Delegasaun Territorial (DT) Baucau kontinua hala’o monitorizasaun no observasaun ba servisu atendimentu publiku husi Banku BNCTL Sukursal Baucau kona-ba pagamentu benefisiariu Bolsa da Mãe ne’ebé hala’o iha fatin edifísiu Skuadra Polísia Postu Baucau Vila, 21/9/2021.
Objetivu husi monitorizasaun ne’e, hodi haree kona-ba kumprimentu ba implementasaun regras Estadu Emerjensia ba dala-17 inklui aplikasaun regras Serka Sanitaria iha Munisipiu Baucau.
Durante observasaun, ekipa haree no nota katak atendimentu ba benefisiariu Bolsa da Mãe ne’ebé hala’o iha fatin Skuadra Polísia Postu Baucau Vila ekipa responsavel ba prosesu pagamentu refere la kumpri regras Estadu Emerjénsia no aplikasaun regras Serka Sanitaria iha Munisipiu Baucau mak hanesan la prepara fatin fase liman hanesan bee moos no sabaun iha areadores fatin atendimentu nian, benefisiáriu sira mantein utiliza maskara maibe la kumpri distansiamentu fizíku wainhira hamriik no tuur maske ekipa resposavel ba pagamentu Bolsa de Mãe husi Banku BNCTL no parte Seguransa sira kontinua fó hanoin ba benefisiariu atu hamriik do’ok malu wainhira mai entrega dokumentus no assina deklarasaun.
Alende ne’e ekipa mos dadalia badak ho benefisiariu nain 4 husi Suku Bahu ne’ebe hateten loloos sira nia oráriu ba simu osan husi programa Bolsa da Mãe ne’e iha loron Segunda Feira, 20 Setembru 2021 maibe benefisiariu hirak ne’e la asesu ba informasaun husi parte kompetentes, nune’e sira marka fali prezensa iha loron 21 Setembru 2021 atu asesu ba sira nia direitu ne’ebé iha.
Tuir observsaun husi ekipa fiskalizasaun nia haree katak husi ekipa BNCTL halo uluk pagamentu ba benefisiariu sira husi Suku Bahu no kontinua ho orariu atendimentu ba benefisiáriu husi Suku Triloka no Bucoli.