Dili, 15 outubru 2026 – Provedór Direitus Umanus no Justisa, Virgílio da Silva Guterres “Lamukan”, hamutuk ho estrutura PDHJ nian, partisipa iha audiénsia ho Komisaun A Parlamentu Nasionál hodi diskute kona-ba apresiasaun inisiál ba Proposta Lei Orsamentu Jerál Estadu (OJE) ba tinan 2027.
Iha oportunidade ne’e, Provedór aprezenta relatóriu kona-ba ezekusaun orsamentu PDHJ nian, ne’ebé to’o iha fulan Outubru 2026 atinje ona 73%, ho montante ezekusaun real hamutuk US$1,635,430.39. Enkuantu, montante obrigasaun rejistada hamutuk US$134,151.86, no komprimisu orsamentu hamutuk US$81,475.50. Husi orsamentu final totál US$2,414,019.00, saláriu no vensimentu ezekuta ona 71%, bens no servisu 65%, no kapital menór 54%.
Diskusaun ne’e prezide husi Prezidente Komisaun A Parlamentu Nasionál, Natalino dos Santos Nascimento, no partisipa mós reprezentante husi instituisaun relevante sira, inklui Tribunal Rekursu, Prokuradoria-Jerál Repúblika no Defensoria Públika Jerál. Audiénsia ne’e hala’o iha Salaun Komisaun, edifísiu antigu Ministériu Finansas.
This post is also available in: English