Ave Caicoli, Dili, Timor-Leste

info@pdhj.tl

  • tp

ORGÁNIKA PROVEDORIA DOS DIREITOS HUMANOS E JUSTIÇA NIAN

Aprovasaun ba Provedoria dos Direitos Humanos e Justiça nia orgánika, kuadru no estatutu estabelese regulamentu ida ne’ebé esensiál atu alkansa Provedoria nia objetivu, ho atensaun espesiál ba ninia servisu sira ne’ebé iha karákter tékniku espesializadu iha área direitus umanus no boa governação.       Provedoria dos Direitos Humanos e Justiça mak responsavel atu fó apoiu tékniku no apoiu administrativu ne’ebé nesesáriu atu implementa Provedor de Direitos Humanos e Justiça nia knaar, inklui kontrole administrativu no podér atu hato’o rekomendasaun kona-ba hahalok (ne’ebé ladi’ak) ba autoridade sira atu hadia ilegalidade no injustisa.     Bazeia ba estrutura orgánika ne’ebé instituisaun públika sira seluk iha Timor-Leste uza, Provedoria dos Direitos Humanos e Justiça nia orgánika asegura implementasaun efetiva ba Provedoria nia servisu no organizmu sira-nia knaar, tau iha konsiderasaun sira-nia knaar nia partikularidade atu hametin Estado de Direito iha Timor-Leste.     Ho relasaun ba ofisiál sira hosi Provedoria dos Direitos Humanos e Justiça nia estatutu, orgánika ida-ne’e, bazeia ba orientasaun ne’ebé prevee iha Estatutu Provedor dos Direitos Humanos e Justiça nian, define prátika espesífika iha rejime jerál funsaun públika nian kona-ba rekrutamentu, nomeasaun no dixiplina ba ofisiál sira ne’ebé bele rekoñese papél espesializadu hosi órgaun sentrál administrasaun ne’ebé iha kompeténsia iha área hirak ne’e no bele asegura mós Provedor no Provedoria dos Direitos Humanos e Justiça nia independénsia ne’ebé Konstituisaun proteje.     Ninia regulamentasaun garante instituisaun ida maka’as ho kbiit atu hamoris públiku no autoridade sira-nia laran-metin, liu hosi organizasaun ida ne’ebé efisiente no iha téknika espesializada kona-ba Provedor dos Direitos Humanos e Justiça nia mandatu konstitusionál.

Notisia seluk

PDHJ Realiza Treinamentu Direitus Umanus ba Komponente Terrestre FALINTIL-FDTL  iha Baucau

Baucau, 9 Juñu 2025 – Provedór Direitus Umanus no Justisa, Virgílio da Silva Guterres “Lamukan”, ofisialmente halo abertura no hato’o nia intervensaun durante treinamentu...

Provedór Husu Reforma Justisa Ida Independente no Bazeia ba Direitu iha Reuniaun Ministeriál PALOP-TL-UE

Dili, 6 juñu 2025 – Provedór Direitus Umanus no Justisa, Virgílio da Silva Guterres “Lamukan”, partisipa nu’udar oradór iha sesaun Reuniaun Ministeriál ba dala...

Delegasaun Malázia Vizita PDHJ Hanesan Parte Hosi Preparasaun atu Estabalese Instituisaun Provedoria iha Malázia

Dili, 28 maiu 2025 — Provedoria dos Direitos Humanos e Justiça (PDHJ) simu vizita kortezia nivel aas ida hosi delegasaun governu Malázia nian, lidera...

PDHJ nia Aniversáriu ba dala 21 Destaka Dezafiu Sistémiku no Rekomendasaun Institusionál sira

Dili, 26 maiu 2025 - Provedoria dos Direitos Humanos e Justiça (PDHJ) selebra nia aniversáriu ba dala 21 ho serimónia ne’ebé hala’o iha nia...
Skip to content