Ave Caicoli, Dili, Timor-Leste

info@pdhj.tl

  • tp

komunidade kestiona makas kona-ba projetu laiha kualidade, bee mos, eletrisidade, dadus veteranos no kestaun seluk

Date : 29-08-2011

Provedoria dos Direitus Humanos e Justiça (PDHJ) hala’o programa “Servisu Movel” iha Sub distritu Maubara, Liquiça Villa no Bazartete durante loron 3 hahu husi loron 22  to’o 24  Agostu 2011.

Objectivu servisu movel ne’’e atu hakbesik A’an ba komunidade sira hodi fahe informasaun konaba direitus humanus no Boa Governasaun no mos simu diretamente keixa husi komunidade sira ne’ebe iha indikasaun violasaun direitus humanus no mal administrasaun husi entidades publikus sira.

Iha programa ne’ebe realiza iha fatin 3, komunidades sira kestiona makaás kona-ba projeitu neébé halaó iha distritu Liquiça laiha kualidade, problema bee mos, elektrisidade, profesores simu kargu hanesan diretur eskola balun hahu iha tinan 2000 maibé toó agora la hetan osan subsidio diretur eskola nian.

Luis Freitas Sefi Suku Metagou sub distritu Bazartete distritu Liquiça hateten katak projetu neébé kompania sira manan tender husi governu halaó iha sira nia suku laiha kualidade tanba falta de kontrolu.

Nuneé nia husu ba Provedor ne’ebe lidera programa “Servisu Movel” atu hato’o rekomendasaun ba Governo hodi bele halo kontrolu masimu ba projetu hirak neébé halaó iha distritu sira. Antonio de Oliveira Direitur Ensinu Baziku Maubara hatoó ba Provedor katak, hahu iha tinan 2000 nia simu kargo hanesan diretur eskola maibe toó agora la hetan  (subsidio) diretur nian.

Antonio husu ba Provedor atu bele hatoó ba Ministeriu Edukasaun atu bele haree kestaun refere tanba sira iha baze hanesan diretur eskola reponsablidade boot ba edukasaun.

Kona-ba preukupasaun husi populasaun sira ne’e, Dr. Sebastião Dias Ximenes, Provedor hateten sei hatoó rekomendasaun ba ministeriu kompetente atu bele hare tuir kompetensia neébé sira iha. Kona-ba projeitu neébé laiha kualidade Provedor rekuinese duni katak projetu laiha kualidade tuir realidade iha terenu no mos tuir servisu movel PDHJ nian neébé halaó ona iha distritus 9 (Sia) iha Timor-Leste komunidade hatoó problema hanesan ba Provedor (projetu laiha kualidade).

Tuir Provedor projetu laiha kualidade duni tanba empresariu sira la dun iha komitementu servisu no la dun iha espiritu nasionalismu. Nuneé Provedor fó korajen nafatin ba komunidade sira hodi hatoó keixa ba PDHJ bainhira iha indikasaun violasaun direitus umanus no mal administrasaun. Tanba pakote desenvolvimentu neébé laó iha suku laran ida neé povo mak sei hetan benefisiu. Nuneé laiha kualidade povo mak sei hetan inpaktu.

Entertantu Chefe Sucos sira iha Sub Distritu Bazartete husu ba Governo atu selu sira-nia salario fulan-fulan labele selu fulan 3 dala ida tanba iha inpaktu ba sira-nia nesesidade.

Servisu movel neébé halaó iha sub distritu 3 neé partisipantes sira sente kontente ho prezensa Provedor nian no sira hatoó perguntas barak no problemas neébé sira hasoru iha sira nia sucos.

Provedor husu ba komunidade atu bele kopera nafatin PDHJ nia servisu atu nuneé servisu PDHJ nian bele hetan susesu atu tau matan no defende povo nia direitu.

 

 

 

Presiza Informasaun Kontaktu Lady Ximenes no Jose Tefa, Relasaun Públika PDHJ ho númeru telemovel: +670 735 1412 ou bele liu husi email; jose.tefa@yahoo.com

Notisia seluk

Estadus Unidus no Timor-Leste Halo Parseiria hodi Lansa Inisiativa Xave Anti-Korrupsaun

Komunikadu Imprensa                                            ...

Provedór Guterres Partisipa iha Fórum ASEAN Dahuluk Nian Kona-ba Liberdade ba Reuniaun Pasífika

Provedór Virgílio da Silva Guterres ‘Lamukan’ partisipa iha Fórum ASEAN kona-ba Liberdade Reuniaun Pasífika, ne’ebé hala’o iha loron 15-16 fulan-jullu tinan 2024, iha Banten,...

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...