Covalima, 1 outubru 2024 — Luzinha Cardoso, idoza reziliente ho defisiénsia vizuál husi Aldeia Zuak iha Munisípiu Covalima, selebra hela vitória signifikativu ida tanba intervensaun husi Provedoria dos Direitos Humanos e Justiça (PDHJ). Hafoin tinan barak hasoru diskriminasaun no hetan negasaun subsídiu governu nian ba idozu sira, ikusmai Luzinha hetan apoiu ne’ebé nia merese.
Ho tinan 70, Luzinha haree ona nia maluk sira iha aldeia simu ajuda finanseira ba sira nia defisiénsia enkuantu nia aplikasaun rasik hetan atrazu. Maski líder komunitáriu sira halibur dadus no promete asisténsia, nia sente invizível no la hetan atensaun. “Ha’u haree idozu sira seluk iha ha’u nia aldeia simu subsídiu, no ha’u labele komprende tansá ha’u la’e,” nia fahe.
Sente diskriminasaun nia todan iha funsaun públika, Luzinha hakat ba PDHJ. Nia hato’o nia frustrasaun sira kona-ba falta seriedade hosi líder lokál sira no Instituisaun Nasionál Seguransa Sosiál nian kona-ba nia situasaun. Neglijénsia sistémika ne’ebé nia esperiénsia maka violasaun klaru ida ba nia direitu sira nu’udar sidadaun no destaka dezafiu sira ne’ebé la’o hela ne’ebé populasaun vulneravel sira hasoru.
Nu’udar resposta, PDHJ atua lalais, hodi aproveita ninia autoridade konstitusionál hodi halo advokasia hodi sidadaun sira-nia naran ne’ebé sira-nia direitu hetan violasaun. Sira envolve ho entidade estadu relevante sira, hodi husu ba Instituisaun Nasionál Seguransa Sosiál atu avalia filafali no aselera prosesu subsídiu ba Luzinha no sira seluk ne’ebé iha situasaun hanesan.
Resposta Governu nian hatudu ninia kompromisu ba planu dezenvolvimentu nasionál, ne’ebé ho objetivu atu inklui indivídu sira ne’ebé vulneravel—hanesan ferik-katuas, labarik, feto, no mane—hodi garante katak laiha ema ida mak hela iha kotuk.
Obrigadu ba PDHJ nia dedikasaun, Luzinha agora bele asesu ba nia subsídiu idozu ne’ebé loos, hodi restaura nia fiar iha sistema. “Ha’u kontente no agradese ba PDHJ nia apoiu. Sira ajuda ha’u atu alkansa autoridade sira ho konfiansa, hodi asegura katak ha’u nia lian hetan rona.”
Istória susesu ida-ne’e la’ós de’it destaka Luzinha nia triunfu pesoál maibé mós subliña papél krítiku hosi advokasia hodi hakbiit sidadaun marjinalizadu sira. Ho PDHJ nia intervensaun, Luzinha Cardoso sai hanesan testamentu ba impaktu husi esforsu determinadu atu tane aas direitus umanus iha Timor-Leste.
This post is also available in: English