Ave Caicoli, Dili, Timor-Leste

info@pdhj.tl

  • tp

funsionariu pdhj no voluntaria estudantes sei halo monitorizasaun ba elisaun

Data, 20-03-2007

Funsionariu husi Provedória dos Direitus Humanos e Justiça (PDHJ), Sosiadade Sivil, estudantes husi Universidade Nasionaál Timor-Leste (UNTL) no Universidade Dili (UNDIL) tuir treinamentu iha gabineti PDHJ nian iha Caicoli Dili Timor-Leste. Treinamentu ne’e hala’o hahu husi 15-21 fulan Marsu tinan 2007.
Objetivo husi treinamentu ne’e mak atu aumenta liu tan kuiñesimentu funsionariu PDHJ no volontariu estudantes sira nian kona-ba monitorizasaun Direitus Humanos durante elisaun.
Materia iha treinamentu ne’e mak hanesan, prinsipiu baziku monitorizasaun kona-ba direitus humanos, téknika kona-ba monitorizasaun no halo relatóriu, Lei eleitoral iha Timor-Leste, direitus humanos no eleisaun sira, prosesu eleitoral iha Timor-Leste, oinsá mak aprezenta kesar no lida ho kesar ne’e, kodigu konduta ba observador, media no partisipantes sira, neutralidade politika, mata dalan ba PHDJ nia monitorizasaun direitus humanos iha eslisaun sira no prepara PDHJ nia planu monitorizasaun direitus humanos ba elisaun.
Fasilitator iha treinamentu ne’e mak hanesan, asesora ba area direitos humanos husi UNMIT Kerry Brogan no Dr. Valerio Ximenes direitor husi divizaun direitos humanos iha PDHJ.
“ treinamentu ne’e importante teb-tebes tanba liu husi treinamentu ne’e bele
aumenta liu tan kuiñesimentu funsionariu PDHJ nian no estudante sira atu
bele halo monitorizasaun ba elisaun Prezidente no Parlamentar ne’ebé sei
halao iha fulan hirak oin mai, hateten Dr. Silverio Pinto Baptista Adjunto
Provedór ba Direitus Humanos.”
Provedór Adjunto ba area direitos humanos ne’e espera katak ho
treinamentu ne’e funsionariu PDHJ no voluntariu sira bele hala’o
sira-nia knaar ho di’ak hanesan monitor ne’ebé profesional,
indepedente no imparsialidade.
Treimanetu ne’e hetan apoi husi Gabineti Alto Komisariadu Direitus
Humanos Nasoens Unidas (OHCHR), Governu Novazelandia,
Governu Irlandia no UNDP.
Presiza informasaun kontaktu
Lady ximenes
Informasaun & Relasaun Públika PDHJ
No telp 333 1071 ou no telemovel 726 1843

Notisia seluk

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...

Provedoria Direitus Umanus no Justisa Aprezenta Relatóriu Anuál 2023 ba Parlamentu Nasionál

Dili, 25 juñu 2024 - Provedoria Direitus Umanus no Justisa (PDHJ) liu husi sesaun Plenária Ordinária iha loron 25 juñu aprezenta relatóriu anuál tinan 2023...

Provedór Direitus Umanus no Justisa Partisipa Konferénsia Anti-Korupsaun (IACC) XXI

Vilnius, Lituánia - Provedór Direitus Umanus no Justisa, Virgílio da Silva Guterres ‘Lamukan’ partisipa Konferénsia Internasionál Anti-Korupsaun (IACC-sigla ingléz), ne'ebé hala'o iha Vilnius, kapitál Lituânia,...