Tuir rezolusaun Governu (RG) sira kona-ba Serka Sanitária iha Munisípiu 3 mak hanesan, Munisípiu Díli tuir RG nú. 15/2021, Munisípiu Baucau tuir RG nú. 17/2021, no Munisípiu Viqueque tuir RG nú. 19/2021.
Dekretu-Governu N.º 06/2021,de 02 Marsu2021, ne’ebé aprova Medidas Ezekusaun ba Deklarasaun Estadu Emerjénsia no regra ba Konfinamentu Domisiliáriu Jerál ba Populasaun iha Munisípiu Díli, Baucau no Viqueque
Iha loron 19 Marsu 2021, PDHJ nia ekipa monitorizasaun halo observasaun iha Aldeia Golgota Suku Comoro identifika katak, loza Dilimart fahe aihan cesta bazika ba komunidade sira iha area Golgota besik area raikotu tasitolu nian.
Ekipa nia observasaun iha terrenu nota katak komunidade balun hahu simu fila fali fos no aihan sira seluk ne’ebé kompañia fornese ba sira.
Ekipa PDHJ la konsege halo entrevista ho loza nain, maibe konsege verifika no husu informasaun ba komunidade sira ne’ebé simu hela produtu nesesidade bazika iha fatin refere hodi informa katak los duni loza Dilimart halo distribuisaun sasan cesta bazika ba komunidade.