Jakarta, Indonézia, 7 marsu 2025 – Diretór Investigasaun Provedoria Direitus Umanus no Justisa (PDHJ), Terensia Nunes Maia, hetan onra hodi partisipa iha Workshop Kontra-Terorizmu ASEAN-Austrália kona-ba Abordajen Prátika Di’ak ba Reabilitasaun no Reintegrasaun Terrorista Estranjeiru no Fuzileiru no Sira nia Família (FFTs, sigla Ingléz), hala’o iha loron 6-7 fulan-Marsu tinan 2025, iha Jakarta.
Workshop ne’e halibur reprezentante sira husi estadu membru ASEAN, Timor-Leste, no Austrália hodi diskute kona-ba prátika di’ak liu iha reabilitasaun no estratéjia reintegrasaun ba FTF sira no sira-nia família. Sesaun xave sira foka ba abordajen bazeia ba komunidade, apoiu psikososiál, edukasaun, enkuadramentu legál sira, no komunikasaun estratéjiku hodi kontra radikalizasaun no asegura reintegrasaun susesu. Eventu ne’e mós fó oportunidade atu fahe perspetiva nasionál sira no dezenvolve solusaun rejionál sira ne’ebé kolaborativu.
PDHJ nia partisipasaun iha workshop nivel aas ne’e reflete ninia kompromisu ba resposta justisa bazeia ba direitus umanus iha esforsu kontra terorizmu. Prespetiva ne’ebé hetan sei kontribui ba hametin kuadru legál no institusionál Timor-Leste nian ba reabilitasaun no reintegrasaun, reforsa PDHJ nia knaar iha advokasia, fiskalizasaun, no promosaun governasaun di’ak.
#KontraTerorizmu #DireitusUmanus #GovernasaunDi’ak #PDHJ
This post is also available in: English