Metinaro, 10-12 marsu 2026- Diresaun Promosaun Provedoria Direitus Umanos no Justisa (PDHJ) realiza treinamentu loron tolu kona-ba Direitus Umanus no Governasaun Di’ak ba autoridade komunitária sira iha Suku Sabuli, Postu Administrativu Metinaro, hahú husi loron 10 to’o 12 marsu 2026. Partisipante hamutuk na’in 25 mak tuir formasaun ne’e, inklui Xefe Suku, Xefe Aldeia, Lia Na’in, Xefe Juventude feto no mane, delegadu no delegada no ofisiál administrasaun no finansas suku ni’an.
Durante formasaun, partisipante sira ativu hato’o pergunta no fahe preokupasaun relasiona ho direitus umanus no asuntu administrasaun públika iha sira nia komunidade. Partisipante barak destaka disputa rai hanesan kestaun boot ida iha suku Sabuli. Diskusaun sira seluk foka ba preokupasaun sira kona-ba prestasaun servisu públiku no importánsia governasaun di’ak iha instituisaun públiku sira. Partisipante sira mós espresa nesesidade ba formasaun ne’ebé hanesan ba profesór sira iha Metinaro tanba kestaun ne’ebé mosu beibeik entre profesór no estudante sira. Líder komunitáriu sira nota katak ida-ne’e mak dala uluk sira simu formasaun kona-ba direitus umanus no governasaun di’ak hafoin sira-nia eleisaun, no sira apresia oportunidade atu komprende di’ak liután PDHJ nia mandatu no ninia papél hodi promove direitus umanus no governasaun ne’ebé responsável.
This post is also available in: English