Dili – Provedoria dos Direitos Humanos e Justiça (PDHJ) nudar Instituisaun independente ne’ebé iha kna’ar atu promove no proteje Direitos Humanos no Promove Governasaun Diak. Nune’e, mak PDHJ Timor-Leste nia aplikasaun atu sai Voting member ba Internasional Ombudsman Institute (IOI) ne’ebé haruka ba Vienna iha dia 6 Jullu 2015, simu ona husi konselhu Diretores IOI iha enkontru fim Setembro liu ba iha Namíbia.
Provedora Adjunta Dra. Jesuina Maria Ferreira Gomes. MPA informa katak, Provedoria Direitos Humanos no Justiça Timor Leste, priense ona rekezitus ka kriteria atu sai membru ba votasaun mak estabelese ona iha rejimentu ka regulamentu IOI nian iha artigu 6.2 tinan 2012. IOI nia desizaun hare ba iha establesimentu PDHJ ho nia independensia, poder ne’ebé PDHJ nia mandate no poder tuir Konstituisaun RDTL nomos nomeasaun ba Provedor.
PDHJ simu karta notifikasaun husi IOI iha loron 6 fulan Outubru 2015 ne’ebé ofisialmente PDHJ sai ona membru Institutu Provedoria Internasional mak bele vota no bele troka informasoens ho instituisoens Provedoria iha mundo tomak.