Iha lansamentu ne’e liu husi Diskursu Provedor kongratula Sr. Gerald ho ekipa ne’ebé selesionadu ona husi USAID atu responsabilizan hodi lidera projeitu ida ne’e. Provedor mós hato’o nia apresiasaun profunda ba US Embassy. Apresiasaun mós ba reprezentante no partisipante hotu.
“Reprezenta Ombudsman ba direitus umanus iha aprojeitu ida ne’e, hau nia foku sei la haree ba oinsa atu husu ema atu poupa osan, no la uza osan maibe, foka liu kona-ba oinsa atu salva ema nia oin iha impozisaun responsabilidade ka impozisaun ema atu hala’o kontabilidade, signifika katak la presiza halakon ita nia oin bainhira ita hala’o impozisaun responsabilidade no akontabilidade ba ema,”hateten, Provedor.
Ne’eduni ho projeitu ne’ebé maka iha fiar katak, responsabilidade no mekanizmu akontabilidade sei ajuda ita partikularmente ba Provedoria dos Direitus Humanos e Justica sai efetivu liu tan iha aprezenta nia knaar hanesan mekanizmu prevensaun nasional, tanba PDHJ iha mandatu atu halo prevensaun, antes ne’e PDHJ mós halo atu kombate korupsaun maibe, hahu 2009 papel ba kombate korupsaun entrega fali ba KAK.
Nia hatutan, “PDHJ kontenti atu servisu hamutuk ho ekipa projeitu ida ne’e, bainhira iha pre-konsultasaun ho ekipa AIM Mr. Gerald kona-ba projeitu ne’e, sei kobre kona-ba saida. Provedor mós hato’o liu husi intervista ho Washington DC kona-ba era dijital how we work to our service”.
Eventu ne’e realiza iha Suai Room, Timor-Plaza. Ho partisipasaun husi parseiru servisu sira mak hanesan, Prezidente Tribunal Rekursu, Prokurador Jeral da Repúblika, Vice Ministru Justiça, Enkaregadu Negosius Embaixada Amerika, Prezidente AJTL, Diretor Interinu Missaun USAID, Mark White, inklui Kargu Chefia, Diretores, no Oficiais husi PDHJ nomos konvidadus relevantes sira seluk husi Intituisaun Estadu no Sosiedade Sivil.