Provedór-Adjuntu ba Boa Governasaun, Rigoberto Monteiro partisipa iha Reuniaun Konsellu Dokumentu Programa PNUD ni’an iha 21 juñu 2024 iha Salaun Nobre Ministériu Negósiu Estranjeiru no Koperasaun.
Dokumentu Programa Pais UNDP (CPD) ba Timor-Leste (2021-2025) – hanesan dokumentu planeamentu ba 2021-2025 – konkorda ona entre UNDP no governu “atu aselera progresu iha Objetivu sira Dezenvolvimentu Sustentavel iha Timor-Leste liuhusi hamenus vulnerabilidade ba ki’ak no promove reziliénsia ba mudansa klimátika, governasaun akontavel no transformasaun ekonómika.”
Konsellu CPD mak superviziona implementasaun projetu sira husi PNUD iha programa laran. Membru Konsellu hala’o sorumutuk regulár, hodi halo revizaun ba progresu implementasaun ne’ebé halo ona, dezafiu sira ne’ebé programa ne’e hasoru, no rezultadu sira ne’ebé hetan ona. Konsellu ne’e integra husi parte interesada prinsipál sira ne’ebé envolve iha implementasaun programa ne’e.
This post is also available in: English