Dili, 7 fevereiru 2025 – Provedór Direitus Umanus no Justisa (PDHJ), ne’ebé reprezenta husi Xefe Gabinete, Aureo José António Sávio sente onradu hodi partisipa iha Reuniaun Konsellu Dokumentu Programa País UNDP & WFP nian iha loron 7 fulan-Fevereiru tinan 2025, iha Ministériu Negósiu Estranjeiru no Kooperasaun.
Konsultasaun importante ne’e halibur parte interesada prinsipál sira hodi forma diresaun estratéjiku Dokumentu Programa País nian (CPD, sigla Ingléz) no WFP nia Planu Estratéjiku Nasaun nian (WEB, sigla Ingléz) ba tinan lima oin mai. PDHJ reafirma ninia kompromisu atu halo advokasia ba direitus umanus, justisa sosiál, no polítika inkluzivu sira iha enkuadramentu dezenvolvimentu krítiku sira-ne’e.
Kolaborasaun mak xave! Ami hein atu servisu hamutuk ho instituisaun sira governu nian, sosiedade sivíl, no parseiru dezenvolvimentu sira hodi garante katak programa sira-ne’e bele responde ho efetivu dezafiu no oportunidade sira Timor-Leste nian.
Akompaña nafatin ba atualizasaun sira! #DireitusUmanus #GovernasaunDiak #PDHJ #UNDP #WFP #TimorLeste
This post is also available in: English