Ave Caicoli, Dili, Timor-Leste

info@pdhj.tl

  • tp

komunidades keixa ba pdhj problema idozu, projetu pdd no problema seluk

Date : 02-08-2011

Provedoria dos Direitus Humanos e Justiça (PDHJ) hala’o programa “Servisu Movel” iha Suku Casa, Suku Mulo Aldeia  Dare no Sub-Distrito Maubisse  Distrito Ainaro duran loron 3 hahu husi loron 26  to’o 28  Jullu 2011.

Objectivu servisu movel ne’’e atu hakbesik A’an ba komunidade sira hodi fahe informasaun konaba direitus humanus no Boa Governasaun i mos simu direitamente keixa husi komunidade sira ne’ebe iha indikasaun violasaun direitus humanus no mal administrasaun husi entidades publiku.

Iha programa ne’ebe realiza iha fatin 3, komunidades sira hato’o keixa ba ekipa servisu movel liu husi Diresaun Assistensia Publik (DPA).

Husi keixa ne’ebe komunidade sira hato’o mak hanesan konaba problema osan idozos, problema rai, problema kona-ba Projetu Dezenvolvimento Desentralizasaun (PDD) iha sira nia suku la iha kualidade, problema Be’e Mos, Telekomunikasaun, Veteranus, Fo’os MTCI, iha manipulasaun presu sasan iha baze no konaba Chefe Suco tuan sai lori hotu ekipamentus Sede Suku nian mak hanesan, Parabola, Televisaun no  panel solar.

 

Julio de Araujo husi Suco Edi Sub-Distrito Maubisse rekomenda ba  Provedor Adjunto Boa Governasaun, Rui Pereira dos Santos  ne’ebe lidera programa “Servisu Movel” atu hato’o rekomendasaun ba Governo liu husi Ministerio Solidariedade Social (MSS) hodi resolve problema sira (Idozos Red) nian no ba Ministerio Administrasaun Estatal e Ordenamento Territoria (MAOET) atu hola medidas konaba Chefe Suco tuan Suco Edi konaba ekipamentus Sede Suku nian.

Jose Benevides, Chefi do Suco Manetu mos hato’o preukupasaun hanesan konaba ekipamentus sede do suco nian tamba ne’e sasan estadu no povu nian.

Samuel do Santos husi Aldei Dare Suco Mulo mos hato’o preukupasaun ba Provedor Adjunto Boa Governasaun atu hato’o rekomendasaun ba Ministerio Turismo Comersio e Industria (MTCI) hodi kontrola presu sasan fulin to’o iha baze tamba realidade presu to’o iha baze iha manipulasaun barak.

Konaba preukupasaun husi populasaun hirak ne’e, Provedor Adjunto Boa Governasaun husu ba ema ne’ebe hato’o kestaun atu presta informasaun ba ekipa servisu movel liu husi Diresaun Assistensia Publik (DPA) no mos sei hatoo rekomendasaun ba Ministerio  kompetentes atu hola medadas ba kestaun hirak ne’e.

Ba problema veteranus, Provedor Adjunto Boa Governasaun esplika katak, oras ne’e dadaun kestaun konaba veteranus sei diskuti hela  iha nivel nasional.

Presiza Informasaun Kontaktu Lady Ximenes no Jose Tefa, Relasaun Públika PDHJ ho númeru telemovel: +670 735 1412 ou bele liu husi email; jose.tefa@yahoo.com

Notisia seluk

Provedór Husu Governu Atua Preukupasaun Públiku Kona-ba Problema Saúde

Dili, 16 Jullu 2024 - Provedór ba Direitus Umanus no Justisa, Virgílio da Silva Guterres ‘Lamukan’, husu ho urjénsia ba Ministra Saúde ho nia...

PDHJ Timor-Leste Organiza Enkontru Grupu Traballu Tékniku SEANF Daruak Kona-ba Direitus Umanus

Husi loron 10-11 fulan jullu tinan 2024, Provedoria Direitus Umanus no Justisa (PDHJ) Timor-Leste sai uma nain ba Enkontru Grupu Traballu Tékniku Daruak Fórum...

PDHJ Apela Promove Sosiedade Inkluzivu iha Komemorasaun Loron Nasionál Ema ho Defisiénsia

Dili, 4 jullu 2024 – Provedóra-Adjunta Direitus Umanus, Maria Marilia da Costa, apela ba entidade hotu-hotu atu promove sosiedade Timor-Leste ida ne’ebé inkluzivu liu...

Provedóra-Adjunta Direitus Umanus, Partisipa iha Enkontru ba Estabelesimentu Inter-NHRI Inquiry Mechanism

Quezon, Filipina, 26-27 juñu 2024 – Provedóra-Adjunta ba área Direitus Umanus Maria Marilia da Costa ho Ofisiál Investigasaun Valerio Magno Ximenes, partisipa iha enkontru...