Dili, 21 Janeiru 2025 –Provedór Direitus Umanus no Justisa, Virgílio da Silva Guterres ‘Lamukan’, ofisialmente halo abertura ba Semana Indusaun ba Programa Bolsa Estudu Líder Integridade Juventude Sanulu Di’ak Liu (mellor) Timor-Leste 2025 nian. Indusaun ne’ebé hala’o iha Timor Lodge Comoro husi 21–24 Janeiru, halibur partisipante na’in 20 ne’ebé iha kompromisu atu defende integridade, akuntabilidade, no governasaun di’ak.
“Priviléjiu no onra ida atu mai iha ne’e ohin iha abertura indusaun Lideransa Integridade Juventude ne’ebé importante ida ne’e,” dehan Virgílio durante nia diskursu. “Ida-ne’e maka momentu signifikativu ida iha ne’ebé ita halibur hamutuk atu fó kbiit ba líder sira iha futuru ne’ebé sei hala’o papél integrál ida hodi tane aas valór sira integridade, justisa, no responsabilizasaun nian iha ita-nia sosiedade.” Nia fó hanoin ba partisipante sira kona-ba dezafiu sira ne’ebé hamosu hosi korrupsaun no mal-administrasaun maibé espresa otimizmu kona-ba sira nia papél nu’udar líder sira iha futuru ne’ebé iha kapasidade atu lori mudansa pozitivu.
Programa loron haat ne’e, hetan apoiu husi USAID Timor-Leste nia Atividade Mekanizmu Responsabilidade no Integridade (AIM), ho objetivu atu ekipa partisipante sira ho koñesimentu, ferramenta, no abilidade atu hasoru korrupsaun no promove governasaun di’ak. Provedór mós hato’o agradesimentu ba USAID AIM ne’ebé halo parseria ho Provedoria Direitus Umanus no Justisa (PDHJ) hodi halo inisiativa ida ne’e sai posivel. “Ohin nakonu ho esperansa tanba ita-boot sira reprezenta ema sira ne’ebé sei halo mudansa aban bainrua nian, kampeaun sira ne’ebé sei restaura konfiansa iha ita-nia instituisaun sira no salvaguarda direitu povu nian,” nia konklui.
This post is also available in: English