Ave Caicoli, Dili, Timor-Leste

info@pdhj.tl

  • tp
  • en

Provedóra-Adjunta Ko’alia iha Semináriu kona-ba Violasaun Direitus Umanus no Vítima sira  

Ermera, 10 agostu 2024 —Provedóra-Adjunta Direitus Umanus Maria Marilia da Costa reprezenta Provedoria Direitus Umanus no Justisa (PDHJ) iha semináriu hodi aborda tópiku “Papél Provedoria ba Asuntu Direitus Umanus Relasiona ho Vítima Violasaun Direitus Umanus husi 1974 1999.” Eventu ne’ebé organiza husi família saudozu Bosco Fernandes da Silva ne’e hala’o iha Hatulia A, Munisípiu Ermera.

Iha nia intervensaun, Provedóra-Adjunta subliña impaktu profundu husi luta ba ukun-an. “Ita nia nasaun nia liberdade hetan hó sakrifísiu boot—ema barak mate, husik hela sira nia família, no ema sira ne’ebé sira hadomi,” nia hatete. “Bainhira ita ko’alia kona-ba vítima sira, ita ténke foka ba sira-nia sofrimentu no nesesidade, la haree ba sira-nia afiliasaun pasadu ká sira-nia família nia envolvimentu iha violasaun direitus umanus.”

Nia salienta liután obrigasaun estadu nian atu fó reparasaun ba vítima sira. “Estadu ténke estabelese enkuadramentu no programa sira hodi oferese restituisaun ka reparasaun ba sira ne’ebé afetadu,” nia hatutan.

PDHJ nu’udar órgaun independente, iha knaar atu hatán ba sidadaun sira-nia lamentasaun hasoru autoridade públika sira hodi garante kumprimentu legál no justisa, hanesan trasa ona iha Artigu 27 Konstituisaun nian. Konstituisaun Timor-Leste kaer metin prinsípiu direitus umanus, inklui direitu fundamentál sira hanesan universalidade, inalienabilidade, no interdependénsia.

Provedóra-Adjunta, partisipa mós iha eventu memoriál ida iha loron 9 fulan Agostu tinan 2024, iha ne’ebé inaugura monumentu urna Bosco Fernandes da Silva nian. Fernandes da Silva hetan tiru husi militár Indonézia iha loron 1 janeiru 1983, iha Hatulia A. Partisipa iha serimónia ne’e PDHJ, Asosiasaun Vítima 1974-1999, Sentru Nasionál Chega (CNC), no ofisiál lokál oioin, estudante sira, no família hosi vítima sira.

“PDHJ iha komitmentu nafatin atu simu no atende keixa husi kualker sidadaun, individual ka koletivu, ne’ebe sente sira nia direitu hetan violasaun,” Adjunta Provedora hakotu.

This post is also available in: English

Notisia seluk

PDHJ Oecusse Sosiliza ba Estudante DIT Kona ba Direitus Humanus no Boa Governasaun

RAEOA, 4 setembru 2025 – Eskritóriu Delegasaun Territoriál PDHJ Oecusse hala’o atividade sosializasaun ho estudante no dosente sira Dili Institute of Technology (DIT) kampus...

PDHJ no KOMNAS HAM Diskute Akordu Servisu Hamutuk kona-ba Direitus Umanus

Bali, Indonézia 27-28 agostu 2025- Provedór ba Direitus Umanus no Justisa (PDHJ) no Komisi Nasional Hak Asasi Manusia Republik Indonesia (KOMNAS HAM) hasoru malu...

PDHJ Realiza Programa Sosializasaun ba Estudante sira iha RAEOA ho Apoiu husi PNTL no KRAM

RAEOA, 26 agostu 2025 – Provedór Direitus Umanus no Justisa (PDHJ) Delegasaun Territoriál RAEOA, ne’ebé lidera husi Diretór Bartolomeu Gonçalves no akompaña husi Ofisiál...

PDHJ Junta Forsa ho Juventude no Ema ho Defisiensia hodi Promove Inkluzaun

Aileu, 25 agostu 2025 – Provedór-Adjuntu ba Boa Governasaun, Rigoberto Monteiro, hamutuk iha abertura “Semana Akampamentu Juventude ba Ema ho Defisiénsia iha Timor-Leste” iha...
Skip to content