Bangkok, Tailándia, 20-22 Outubru 2025 – Provedoria Direitus Umanos no Justisa (PDHJ) ne’ebé reprezenta husi Provedór-Adjunta ba Direitus Umanus Maria Marilia da Costa, partisipa iha Fórum Multi-Setorais ASEAN-UNESCO kona-ba Governasaun Plataforma Dijitál husi 20-20 outubru 2025. Eventu nivel-aas ne’e halibur parte interesada rejionál xave sira iha Bangkok hodi formula aprosimasaun komún ida hodi jere panorama dijitál.
Fórum, ne’ebé organiza hamutuk hosi UNESCO, Reinu Tailándia no ho kooperasaun Sekretariadu ASEAN nian, sentradu iha dezenvolvimentu “Matadalan sira ASEAN nian ba Regulasaun Plataforma Dijitál.” Inisiativa ida-ne’e hakarak kria enkuadramentu rejionál ida ne’ebé hasa’e seguransa online, promove integridade informasaun nian, no garante katak plataforma dijitál sira funsiona ho transparente no responsabilidade, enkuantu aliña ho padraun direitus umanus internasionál sira. Durante loron tolu, ajenda kobre asuntu urjente sira hanesan kombate dezinformasaun, proteje menór sira online, no kombate konteúdu ilegál.
Envolvimentu delegasaun PDHJ nian partikularmente foka ba sesaun dedikadu forum nian ne’ebé aborda teknolojia emerjente sira, Workshop I: Prinsípiu Governasaun ba Intelijénsia Artifisiál Jerativa (IA) iha plataforma dijitál sira. Workshop ida-ne’e fornese plataforma ida ba parte interesada sira atu ezamina implikasaun sira hosi AI jerativu iha seguransa utilizadór nian, privasidade, no diversidade kulturál, hodi diskute ferramenta internasionál sira hanesan dokumentu UNESCO nian no Lei Servisu Dijitál UE nian.
Partisipasaun ativu husi PDHJ iha forum ida ne’e hatudu Timor-Leste nia kompromisu atu envolve iha diálogu polítika dijitál rejionál. Ninia prezensa garante katak perspetiva sira hosi instituisaun nasionál sira direitus umanus nian halo parte iha diskusaun multilaterál sira ne’ebé forma futuru hosi ambiente dijitál ida ne’ebé seguru no responsavel liu ba sidadaun ASEAN hotu-hotu.
This post is also available in: English