Maliana, 12 agostu 2025 –Provedóra-Adjunta Direitus Umanus, Maria Marília da Costa, vizita Uma Mahon Maria Tapó iha Maliana iha loron 12 agostu 2025 hodi observa servisu no atendimentu ne’ebé fó ba feto no labarik-feto sira ne’ebé hetan violénsia. Vizita ne’e ho objetivu atu avalia kualidade asisténsia no asegura katak direitus umanus hetan respeitu tomak iha operasaun uma mahon nian.
Husi Janeiru to’o Jullu 2025, Uma Mahon ne’e fo apoia feto vítima husi violénsia hasoru feto no labarik-feto hamutuk 49, ho menór na’in rua. Vítima balun fila ona ba sira nia família ka parente dependente sira. Durante vizita, Provedóra-Adjunta envolve ho koordenadóra Uma Mahon Domingas Casemera, abotda asuntu protesaun direitus umanus, prosesu kuidadu sira, no uma mahon nia papél ne’ebé la’o hela iha apoiu ba vítima sira.
Koordenadóra Uma Mahon hato’o agradesimentu ba vizita no apoiu kontínua husi PDHJ, inklui kolaborasaun ho Delegasaun Territoriál Maliana. Vizita ne’e mós ho objetivu atu hametin kooperasaun entre PDHJ no Uma Mahin, hodi garante protesaun kontinua ba indivídu vulneravel sira, enkuantu Abrigu Maria Tapó kontinua fó akonsellamentu no akompañamentu iha prosesu legál tomak.
This post is also available in: English