13 Ou 14 Julho Data Tentativa Ba PDHJ Aprejenta Relatoriu Annual 2019 Iha Plenaria

Dili : Loron 13-14 Julho 2020 sai hanesan data tentativa ne’ebé Parlamentu Nacional fó ba Provedoria dos Direitos Humanos e Justiça (PDHJ) atu bele aprezenta relatoriu anual  2019 nian iha plenaria.

“ Iha reuniaun bankada hau  sei tenta koalia atu ajenda ba iha dia 13 ou 14 Julho 2020,”Lia hirak ne’e hato’o husi Prezidente Parlamentu Nacional Dr. Aniceto L. G. Lopes  iha sala audiensia Gabinete Prezidente Parlamentu Nacional, Kuarta (17/06/2020).

Lia hirak ne’e hato’o hosi Prezidende Parlamentu Nacional hodi responde ba iha prejensa Provedoria dos Direitos Humanos e Justiça ne’ebé, husu atu tau iha ajenda Parlamentu nacional nian nune’e sira bele aprezenta sira nia Relatoriu anual 2019 nian.

Iha fatin hanesan Provedora dos Direitos Humanos e Justiça, Dra. Jesuina M. F. Gomes haktuir katak, tuir estatutu PDHJ  lei numeru 7/2004 iha artigu 46  hateten, ate dia 30 de Juñu kada tinan Provedor tenki aprejenta nia relatoriu anual aktividade tinan ida ni’an husi Janeiro too Dezembro ba Prezidente Parlamento Nacional.

Ne’eduni  nia parte iha loron 17 Fulan ne’e, akompaña husi   Provedora adjunta Benicia Eriana Magno  no Secretariu Executivu  Sr. Aureo José Antonio Savio inklui  Xefe Gabinete Sr. Silvino Saldanha Pereira no Inspetor  Inspesun Auditoria Interna PDHJ, Sr. Ambrosio Graçiano Soares, marka prejensa iha Parlamentu nacional hodi entrega no esplika relatoriu anual 2019 nia konteudu ba iha Prezidente Parlamentu Nasional.

Ne’eduni Provedoria hein de’it komunikasaun husi Gabinete Prezidente Parlamentu nacional nian hodi ajenda ba aprejentasaun plenaria ne’ebé fiksu.

Notisia seluk

RASP Hala’o Diskusaun Meza Redonda Dahuluk iha 2026 hodi Hametin Kooperasaun kona-ba Prizioneiru sira-nia Direitus Umanus

Dili, 22 outubru 2026 — Rede Apoiu Servisu Prizionál (Rede Apoiu Servisu Prizional – RASP), liuhosi Asosiasaun HAK, hala’o diskusaun meza redonda dahuluk tinan...

OHCHR Realiza Misaun Avaliasaun Nesesidade Hodi Hametin Kapasidade Institusionál PDHJ nian iha Timor-Leste

Dili, 21 Outubru 2026 —Provedoria Direitus Umanus no Justisa (PDHJ) Timor-Leste nian ohin hala'o enkontru abertura ida ho delegasaun ida husi Gabinete Komisáriu Aas...

PDHJ, Unidade Asesoria Direitus Umanus ONU no Sentru Formasaun Polisia Haforsa Kapasidade Direitus Umanus Ofisial Polisia Dili

Dili, 20 outubru 2026 – Ekipa formadór husi Provedoria Direitus Umanus no Justisa (PDHJ), Unidade Asesoria Direitus Umanus Nasoens Unidas (UADU), no Sentru Formasaun...

SEANF DEZKUALIFIKA KOMISAUN NASIONÁL DIREITU UMANUS MYANMAR (MNHRC) HUSI MEMBRU IHA SEANF

KUALA LUMPUR (19 OUTUBRU 2026) – Konsellu Administrasaun hosi Fórum Nasionál Direitus Umanus Sudeste Aziátiku (SEANF) desidi iha loron 1 outubru 2026 atu deskualifika...