Date : 17-07-2012
Dili- Dr. Sebastião Dias Ximenes, Provedor de Direitus Humanus no Justisa hateten katak, bazeia ba akontesimentu ne’ebe mosu iha Kapital Distrito Dili, iha Domingo to’o Segunda-Feira dia 16 Jullu 2012. Provedoria dos Direitos Humanos e Justiça (PDHJ) liu husi ekipa monitor halo observasaun ba iha fatin detensaun polisia nian iha Caicoli-Dili, ekipa identifika iha ema nain sanulu resin ida (11) oras ne’e dadaun detein hela hodi hein prosesu investigasaun.
Provedor mos hatutan katak, ekipa PDHJ sei kontiua halo monitorizasaun ba área direitus humanus em jeral, especial liu konaba direitu ema nian iha fatin detensaun.
Aleinde ne’e mos, Provedor kongratula ba atuasaun husi parte polisia ninian hodi hakalma situasaun ne’ebe mosu iha kapital Dili. Nomos husu ba parte polisia atu hatudu servisu ho profesionalismu bainhira halo atuasun, no tenki mos tuir regras ne’ebe iha ona, atu nune’e bele respeita ema nia dignidade no direitu.
Presiza Informasaun Kontaktu Lady Ximenes, TP Relasaun Públika PDHJ Telemovel 7304260 ou Jóse Tefa 735 1412 ou 3331071.