Date, 22-11-2011
Iha loron 21 de Novembro iha hotel JBoutique Kuta Bali-Indonezia Provedor, Dr. Sebastião Dias Ximenes ho Ketua Komnas Ham Sr. Ifdal Kasim Asina Memorandum de Intendimentu.
Objektivu husi asina akordu neé hodi servisu hamutuk atu implementa Recomendasaun nebe mai husi Komisaun Verdade e Amizade nebe estabelese entre Republika Indonesia no Republica Democratica Timor-Leste. MoU neé mos atu hametin relasaun no kooperasaun servisu entre Komnas Ham ho PDHJ oinsa hasae kapasidade staf hala’o servisu iha area direitos humanos.
Provedor hateten katak “kooperasaun entre Instituisaun Nasional Direitos Humanos Indonesia ho PDHJ hanesan evento nebe importante no estrategico, atu servisu hamutuk hodi promove no proteje direitos humanos iha ida-idak nia Nasaun”.
Instituisaun rua nee sai membro ba Asia Pacific Forum National Human Rights neé preciza servisu hamutuk, no durante nee PDHJ iha relasaun no kooperasaun diak ho Komnas Ham. MoU nebe asina ne’e hanesan kontinuasaun MoU nebe asina iha tinan 2010.
Depois de asina MoU, Komnas Ham fo treinamento no fahe experiensia durante loron 2 ba staf PDHJ nian kona-ba servisu Monitorizasaun, Mediasaun no Investigasaun no mos teknika analiza data no halo relatorio. Staf sira nebe tuir treinamento neé husi monotorizasaun, investigasaun no mediasaun.
Presiza Informasaun Kontaktu
Lady Ximenes, TP Relasaun Públika PDHJ
Telemovel 7304260